Mellor os paus á oposición que as novas destacadas

              O martes 17 de decembro, o Telexornal mediodía fai toda unha demostración de manipulación informativa segundo que asuntos e noticias se aborden. Analizamos o tratamento que se fixo de varios temas, valorando a trascendencia dos mesmos e o tempo que se lles outorgou.

       O Tx mediodía emite dous videos sobre o conflicto que vive o goberno local de Ourense; un deles cunha duración superior ao minuto e medio, algo completamente inusual nos informativos:

http://www.crtvg.es/informativos/crise-de-goberno-no-concello-de-ourense-polas-divisions-internas-717491

http://www.crtvg.es/informativos/bng-e-do-piden-eleccions-anticipadas-en-ourense-o-pp-culpa-o-bloque-de-ser-complice-do-goberno-municipal-717490

         O mesmo informativo destaca tamén en máis de minuto e medio a petición de información da xuiz De Lara sobre un piso do actual presidente da Deputación de Lugo, o socialista Xosé Ramón Gómez Besteiro:

http://www.crtvg.es/informativos/de-lara-reclama-datos-dun-piso-de-gomez-besteiro-pola-investigacion-do-garanon-717483

              Podería discutirse o tempo e a importancia que se lles outorga a estas noticias no Telexornal. Pero aínda que fose un tratamento correcto e profesional, cando o comparamos con outras informacións emitidas no mesmo espazo, os responsables quedan en evidencia.

              No mesmo Telexornal mediodía, solvéntanse en poucos segundos as seguintes noticias:

              A condena do ex-presidente da CEOE (Díaz Ferrán, moi vencellado ao PP) a máis de dous anos de prisión por fraude fiscal:

http://www.crtvg.es/informativos/diaz-ferran-condenado-a-dous-anos-e-dous-meses-de-carcere-por-fraude-fiscal-717484

             A declaración da ex-presidenta da Comunidade de Madrid, Esperanza Aguirre (PP), polo caso Gurtel:

http://www.crtvg.es/informativos/esperanza-aguirre-declara-como-testemuna-polo-caso-guertel-717487

             E a decisión do goberno central (PP) de subir a tarifa eléctrica a partir de xaneiro:

http://www.crtvg.es/informativos/o-goberno-confirma-que-vai-subir-o-prezo-da-luz-en-xaneiro-717482

              Pero se aínda non teñen clara a intención manipuladora, fagamos unha pequena comparación coas informacións críticas co PS de G – PSOE (os casos de Ourense e o de Lugo de Gómez Besteiro), e o que se fixo hai só dous meses no concello de Santiago, cando foron imputados sete concelleiros do PP por un posible delito de prevaricación

http://www.crtvg.es/informativos/imputan-7-concelleiros-do-pp-de-santiago-que-aprobaron-pagarlle-a-defensa-ao-concelleiro-de-deportes-679846

             É dicir, só uns poucos segundos noTelexornal serán, e cunhas declaracións dunha das imputadas, a voceira do PP María Pardo, que insinúa unha “persecución política”. E non se ofrece ningunha opinión dos grupos da oposición no concello compostelán.

            Outro exemplo (o enésimo) máis do que os responsables de informativos da TVG entenden por información veraz e honesta nun servizo público.

Advertisements

Deixar unha resposta

Please log in using one of these methods to post your comment:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s