Tres meses despois da saída deste blog, non hai día que non nos sorprendamos con descarados exemplos de manipulación informativa (por aí empezan a chamala corrupción informativa) dos telexornais da televisión pública de Galicia. Imos con dous exemplos dos últimos 4 días.
Domingo, 7 de xullo: El Mundo publica un artigo do seu director no que transcribe as confesións que lle realizou Luis Bárcenas durante un encontro de 4 horas antes do seu ingreso en prisión. Bárcenas fala, entre outras cousas, de financiamento ilegal do PP durante, polo menos, os últimos 20 anos.
http://www.caffereggio.net/2013/07/07/cuatro-horas-con-barcenas-de-pedro-j-ramirez-en-el-mundo/
A Televisión de Galicia relega esta trascendente información ao minuto 13 do Telexornal Mediodía e despáchaa en 29 segundos.
No Telexornal Serán nin se informa do asunto!!!! Perplexidade na redacción.
A información lévanos de novo a denunciar o cativeiro tratamento informativo que a TVG lle da a todo o escándalo derivado da actuación do ex-tesoureiro do Partido Popular.
Sen ir máis lonxe, os 29 segundos deste domingo contrastan, por exemplo, cos minutos adicados esta semana á exclusiva do ABC sobre a compra do vicepresidente da Xunta de Andalucía, hai 18 anos, dun piso do que fora desafiuzado o inquilino anterior:
Telexornal Mediodía do xoves, 4 de xullo: 50 segundos
Telexornal Serán do xoves, 4 de xullo: outros 50 segundos (repítese a información)
Telexornal Mediodía do venres, 5 de xullo: 1’20”
Telexornal Serán do venres, 5 de xullo: 55″
Sumados os tempos nos dous principais informativos:
Bárcenas e El Mundo (noticia de alcance nacional): 29″
Valderas e ABC (unha noticia totalmente allea á realidade galega): 3’55”
En definitiva, un uso de novo partidista e gubernamental da televisión pública de todos os galegos que non cansaremos de denunciar nesta bitácora. E xa van tres meses de denuncias diarias!!!
Denuncia da manipulación informativa na TVG 