O martes 6 de maio, a cabeza de lista do BNG ao parlamento europeo, Ana Miranda, mantivo encontros en Valdeorras co sector pizarreiro, o do viño e emigrantes retornados que están a recibir multas de Facenda polas súas pensións no estranxeiro.
Miranda pedíulle aos dirixentes do PP que eviten triunfalismos cos datos do paro, porque en Galicia hai 270.000 persoas sen traballo, e 100.000 mozos e mozas tiveron que emigrar por falta de futuro na súa terra.
A candidata do BNG ás eleccións europeas destacou que, a este ritmo, o presidente da Xunta, Alberto Núñez Feijoo, tardará 400 anos en rematar co paro en Galicia…
Os telexornais da TVG deste martes non ofreceron nin a máis mínima noticia da actividade de Ana Miranda e do BNG de cara á campaña para as eleccións europeas.
Igual é que Valdeorras queda moito a desmán…
Denuncia da manipulación informativa na TVG 