12 de decembro. El Pais publica que o PP impuxo, grazas á súa maioría absoluta, fortes subas salariais, a creación dunha decena de xefaturas cubertas na súa maioría con funcionarios procedentes da Xunta, e unha reorganización do equipo que fai cachizas as tan reiteradas promesas de adelgazar a Administración e evitar duplicidades que constituían o cabalo de batalla electoral do PP cando chegou en 2011 ao goberno da Deputación coruñesa.
1 de decembro. O Presidente da Xunta, Alberto Núñez Feijóo, está de aniversario político. Fai un ano do comezo do segundo mandato do popular.
25 de novembro. El País publica: “Interior e Xunta contratan unha empresa investigada por fraude”.
O mércores 20 de novembro, no Telexornal mediodía xógase cunha especie de “cerimonia da confusión” interesada sobre os posibles contratos da compañía mexicana Pemex para construir floteis en Galicia.
O martes 19 de novembro coñécese a noticia de que preto de cen concellos de Galicia (ningún do PP) preparan unha dura estratexia conxunta para combater o incremento dun 34% decidido pola Xunta no cobro polo tratamento dos residuos na pranta de SOGAMA.
Martes 19 de novembro. A Xunta recoñece que algúns contratos vencellados con empresas do narcotraficante Marcial Dorado remitidos ao Parlamento, non se adxuntaron á documentación facilitada aos grupos da oposición debido ás INUNDACIÓNS que afectaron ao arquivo de Coia, en Vigo, onde estaban almacenados.
29 outubro. Alimentos Lácteos funcionou dende o 2010 en situación de insolvencia o administrador concursoa esixe aos xestores 30 millóns pola débeda, as indemnizacións e a deterioración das marcas.
9 de outubro. O Tribunal Superior de Xustiza de Galicia (TSXG) desestimou o recurso da Xunta en contra da execución forzosa das sentenzas que anulan parte de dous artigos do decreto do plurilingüismo no ensino e que lle daba ao Goberno galego un mes de prazo para o seu cumprimento.
6 de outubro. En Santiago centos de persoas maniféstanse convocados pola Asociación Monte Pindo, e apoiada por 80 colectivos máis, para esixir á Xunta medidas de prevención nos montes contra os incendios e reclamar a condición de parque natural para este enclave arrasado polo lume.
O mércores 2 de outubro, o Tribunal Superior de Xustiza de Galicia admite a trámite o recurso presentado polo BNG contra a fusión dos concellos de Oza e Cesuras.
Denuncia da manipulación informativa na TVG 
Debe estar conectado para enviar un comentario.