Fe de erratas: si se dixo que Rafael Blasco era do PP

O pasado día 28 publicamos neste blog que o Telexornal Mediodía da TVG  non daba a filiación política do ex conselleiro de Solidariedade da Comunidade de Valencia, Rafael Blasco, condenado a oito anos de cadea por prevaricación e malversación. Pois hoxe temos que aclarar que sí se dixo nese informativo que Blasco era do PP cando supostamente delinquiu.  Malia que no texto da páxina web da CRTVG non figura o dato, a presentadora si o relacionou co Partido Popular na súa locución en directo.

http://www.crtvg.es/informativos/8-anos-de-prision-e-20-de-inhabilitacion-para-o-ex-conselleiro-valenciano-de-solidariedade-823893

Tamén nos titulares se vencellaba a Rafael Blasco co PP valenciano.

http://www.crtvg.es/informativos/titulares-das-14-25-h-823917

Pedimos, pois, disculpas por este erro, aínda que mantemos que foi moi escasa a información que o telexornal deu sobre a condena de oito anos de cadea para Rafael Blasco por, entre outras cousas,  malversar fondos públicos destinados ao terceiro mundo cando formaba parte do Goberno valenciano que presidía Francisco Camps.

 

 

Quén apoiaba a Rafael Blasco cando malversou fondos?

Mércores, 28 de maio. A xustiza valenciana condena ao exconseller Rafael Blasco a oito anos de cadea e 20 de inhabilitación por fraude nas axudas ao desenvolvemento, delito supostamente cometido cando era responsable do departamento de Solidaridad no Goberno de Francisco Camps, do PP.

Trama Gürtel, non grazas. Pero un pouquiño de UXT a diario

       5 de xaneiro. Un novo informe da UDEF revela máis  informacións relativas á trama Gürtel. Diferentes medios dan conta de agasallos que, presuntamente, facía a rede corrupta a membros do Partido Popular, para conseguir contratos, segundo a Policía. 

Non interesan os escándalos do PP de Valencia

 

Martes 15 de outubro. O xornal “el pais” publica que a campaña do PP de Valencia nas eleccións autonómicas e municipais de 2007, gañadas no primeiro caso por Francisco Camps, estivo chea de irregularidades.

Os presuntos corruptos do PP non teñen militancia, os do PSOE si

 

Os informativos de Televisión de Galicia teñen unha maneira cando menos sospeitosa de engadir ou ocultar información nos casos de corrupción política. Se os implicados son dirixentes do Partido Popular, a militancia política non se especifica, pero os responsables dos telexornais nunca se lles escapa este dato informativo cando son dirixentes do PSOE.