Cantouno Xosé Luis Baltar nunha campaña electoral. Recordádelo?
Arquivo por etiquetas: Valadouro
Segue a teima co Valadouro… ou con Besteiro ???
O concello lugués do Valadouro ten novo alcalde (Edmundo Maseda, do PS de G-PSOE) desde hai dous días, despois de que unha moción de censura apoiada polo propio PSOE, o BNG e os independentes de Udival, botase fora do goberno ao PP, que se mantiña no poder desde hai 25 anos.
Pero se xa os días anteriores á celebración do pleno no que prosperou a moción, a TVG recolleu reiteradamente intervencións de membros do PP criticando o acordo de PSOE e Udival (se algún deles racha o pacto, deberá pagar 100.000 €), este mércores 5 de xuño o Telexornal mediodía volve ofrecer DECLARACIÓNS DO PP, NESTE CASO DA VOCEIRA DO PARTIDO EN GALICIA, PAULA PRADO, criticando novamente a moción, PERO CENTRÁNDOSE NO PRESIDENTE DA DEPUTACIÓN DE LUGO XOSÉ RAMÓN GÓMEZ BESTEIRO (PSOE):
Días antes da moción, nos Telexornais da TVG xa se ofreceron opinións do secretario xeral do PP de Lugo, Xosé Manuel Balseiro, e do presidente provincial, Xosé Manuel Barreiro, ámbolos MOI CRÍTICOS CON GÓMEZ BESTEIRO. E non se deu ningunha declaración dos outros partidos.
A que ven agora insistir no do Valadouro e, sobre todo, nos ataques do PP ao presidente da Deputación de Lugo ???
Será coa intención de dinamitar e menosprezar a Gómez Besteiro, un dos candidatos para ser o próximo secretario xeral do PS de G-PSOE – e seica con bastantes posibilidades de ser elexido – ???.
Segue o descaro coa moción de censura no Valadouro
A TVG segue coa teima da moción de censura no concello lugués do Valadouro, onde PSOE, BNG e independentes pactaron para botar da alcaldía -despois de 25 anos de sucesivos gobernos- ao PP.
Pero a insistencia sobre o asunto é completamente TENDENCIOSA E PARTIDISTA. Seguir lendo
O descarado partidismo na moción do Valadouro
O sábado 25 de maio, a CUARTA NOTICIA do Telexornal mediodía da fin de semana son unhas EXPLOSIVAS DECLARACIÓNS DE XOSÉ MANUEL BARREIRO (presidente do PP de Lugo) sobre a moción de censura no concello lugués do Valadouro.
Isa moción, acordada polo PSOE, o BNG e os independentes de Udival, botará da alcaldía ao actual rexedor, José Manuel Lamela (PP). PSOE e Udival decidiron que, se algún dos dous incumpre o pacto, deberá pagarlle á outra formación 100.000 euros.
No Telexornal da TVG, o presidente provincial do PP lugués despáchase a gusto dicindo que “se comprou un goberno”… que “o sr. Besteiro se converteu nun mercader da política”… e que “tense que pronunciar o sr. Rubalcaba”… e MESMO INSINÚA QUE TAMÉN PUIDO HABER PACTOS “ECONÓMICOS” NA DEPUTACIÓN E NO CONCELLO DE LUGO:
No TX da fin de semana NON SE OFRECE NINGUNHA OPINIÓN DE PSOE, BNG, NIN INDEPENDENTES DO CONCELLO, NIN POR SUPOSTO DE ALUDIDOS COMO BESTEIRO (PRESIDENTE DA DEPUTACIÓN LUGUESA). SÓ SE DA A VERSIÓN DO PP.
E moitísimo menos se ofrecen as explicacións da voceira de Udival, Mª José Fernández Díaz, que exixíu a “clausula económica” PORQUE NO ANTERIOR MANDATO DO PP, UN PACTO SUBSCRITO COS CONSERVADORES -AVALADO POLO PROPIO XOSÉ MANUEL BARREIRO-, FOI INCUMPRIDO POLO PARTIDO POPULAR:
É dicir, os independentes de Udival, escaldados polos incumprimentos do PP, asinan un pacto para que non se repita…
A mala intención coa moción de censura no Valadouro
O venres 24 de maio, só un día despois de que os partidos da oposición no concello lugués de Valadouro presentasen unha moción de censura contra o alcalde do PP, José Manuel Lamela (NOTICIA QUE NON OFRECEU A TVG), os Telexornais mediodía e serán SI DESTACAN QUE O PACTO entre o PSOE e os independentes de Udival contempla que se algún deles o racha, terá que pagar 100.000 euros.
As informacións SÓ SE CENTRAN NESE ASPECTO DA MOCIÓN DE CENSURA, buscando dun xeito descarado que a xente interprete a moción de censura unicamente como de comenencia económica:
Non se alude – por exemplo – a que o próximo alcalde, o socialista Edmundo Maseda, cobrará 15.000 euros ao ano (bastante menos que os 35.000 que cobra o actual do PP), e que a oposición (tamén está o BNG aínda que non entrará no goberno municipal) pretende cambia-lo estilo de goberno do PP, que seica ten o concello nunha situación de abandono e ingobernabilidade:
Resumo: cando se presenta a moción de censura, NON SE DA NA TVG… E DESPOIS INFÓRMASE (con moita amplitude nos TX) “INSINUANDO” QUE O PACTO PARA BOTAR AO PP DA ALCALDÍA É SÓ ECONÓMICO…
A moción de censura contra o PP no Valadouro non existe
O xoves 23 de maio, os grupos da oposición no concello lugués de O Valadouro, PRESENTAN UNHA MOCIÓN DE CENSURA CONTRA O ALCALDE DO PP, José Manuel Lamela. O PP leva 25 anos gobernando neste concello.
Da oposición, o PSOE ten tres concelleiros, os independentes de Udival 2, e o BNG 1.
O socialista Edmundo Maseda será -con case total seguridade- o novo alcalde de O Valadouro.
A noticia é destacada amplamente por numerosos medios de comunicación:
http://elprogreso.galiciae.com/nova/252951-mocion-censura-pp-valadouro
http://www.abc.es/local-galicia/20130523/abci-mocion-censura-valadouro-201305231326.html
http://ccaa.elpais.com/ccaa/2013/05/23/galicia/1369319935_536954.html
Pero… A TVG NON DA ABSOLUTAMENTE NADA DESTA NOTICIA, NIN NO TX MEDIODÍA NIN NO TX SERÁN.
Denuncia da manipulación informativa na TVG 
Debe estar conectado para enviar un comentario.