Reporteiros gaña fóra o que a dirección de informativos lle nega dentro

A redacción de informativos da Televisión de Galicia recibiu con alegría a nova de que dúas das nosas, as xornalistas Encina Ramos e Carme Santos, viran recoñecidos os seus traballos pola Fundación Profesor Novoa Santos. As reportaxes premiadas emitíronse no programa Reporteiros, desaparecido da programación da TVG por decisión da dirección de informativos.

Como eliminar este blog, por Xosé Manuel Pereiro, decano do Colexio Profesional de Xornalistas de Galicia

Seguindo coa publicación de artigos que conmemoran as 500 entradas deste blog, hoxe publicamos a opinión do decano do Colexio Profesional de Xornalistas de Galicia, a quen lle queremos agradecer a súa colaboración con Eunonmanipulo.

Xosé Manuel Pereiro destaca na sú achega que a solidez e a independencia dos medios públicos son indicadores da consolidación da democracia e atina cando recolle a única forma que hai de acabar con esta loita d@s traballador@s da CRTVG.

Seguir lendo

“Producións PP” traballa para a TVG en Vigo

A TVG emite, desde hai algún tempo, nos seus informativos locais de Vigo-Pontevedra noticias relacionadas coa vida municipal viguesa que conteñen imaxes e declaracións gravadas polo Partido Popular e enviadas por esta formación política á delegación da Televisión de Galicia. A TVG convértese así nun órgano de difusión/propaganda do propio PP.

O top-ten de eunonmanipulo tras máis de 85.000 visitas

Oito meses de vida, 513 artigos e 85.650 visitas a un blog que naceu con ánimo de denunciar a falta de compromiso coa veracidade, coa imparcialidade e coa pluralidade dos informativos da Televisión de Galicia.

Os que destacamos a continuación son os 10 artigos máis lidos da nosa bitácora: eunonmanipulo@wordpress.com

Seguir lendo

Días contados, por Raquel Lema, presidenta do comité interempresas da CRTVG

Oito meses despois da creación deste blog, chegamos (de feito xa o superamos) ós 500 artigos. Para celebralo (a verdade que é motivo de celebración) publicaremos nos vindeiros días varios artigos de opinión sobre a importancia do blog, da súa existencia e función e da loita dos profesionais dos medios públicos por unha televisión e unha radio coas que todos se podan identificar.

Empezamos a xeira de artigos por este texto redactado por Raquel Lema, presidenta do comité interempresas da CRTVG.

Seguir lendo