Andalucía si, A Rioxa non

 

O 5 de febreiro. O xuíz da Audiencia Nacional Pablo Ruz dá un prazo de dous días ao PP para que entregue a documentación relativa ás obras de ampliación da sede do partido na Rioxa. Esta solicitude está relacionada coa investigación dun apunte da contabilidade B de Luís Bárcenas de maio de 2008 sinalado como “Entrega La Rioja”.

Trama Gürtel, non grazas. Pero un pouquiño de UXT a diario

       5 de xaneiro. Un novo informe da UDEF revela máis  informacións relativas á trama Gürtel. Diferentes medios dan conta de agasallos que, presuntamente, facía a rede corrupta a membros do Partido Popular, para conseguir contratos, segundo a Policía. 

O “home de palla” de Bárcenas nas contas do PP

 

Venres 31 de maio. O Telexornal serán emite en apenas 20 segundos e case ao final do programa, a noticia de que o xuiz Pablo Ruz “lle pide ao PP información sobre a súa conta de gastos de representación de 2004 a 2012”.

      En realidade, é unha RECLAMACIÓN PARA QUE FACENDA LLE REMITA AO XUIZ OS COBROS E PAGOS REALIZADOS POR TERCEIROS AO PP ENTRE 1990 E 2005, E INFORMACIÓN DAS OPERACIÓNS ECONÓMICAS DAS EMPRESAS QUE FIGURAN NOS PAPEIS DE BÁRCENAS COMO DOANTES DE DIÑEIRO AO PP.

 E, como engadido, o xuiz Ruz tamén pide tódo-los gastos de representación que o PP lle pagou aos seus cargos.

 Así se emitíu a noticia no Telexornal serán:

http://www.crtvg.es/informativos/o-xuiz-ruz-solicitalle-ao-pp-informacion-sobre-as-suas-contas-de-gastos-de-representacion-598331

 Chama poderosamente a atención o parágrafo final, no que se di que “O xuiz Ruz tamén ordenou bloquear unha ducia de contas relacionadas con Bárcenas E O SEU HOME DE PALLA en bancos suizos”.

ESE HOME DE PALLA ten nome e apelidos: Luis Fraga Egusquiaguirre, íntimo amigo de Bárcenas, e SOBRIÑO DO FUNDADOR DO PP E EX-PRESIDENTE DA XUNTA, MANUEL FRAGA…

 A TVG oculta, dun xeito ridículo, unha evidencia moi clara que xa saíu en tódo-los medios de comunicación.

Mayor Oreja… empresario

 

28 de maio de 2013. O ex presidente de FCC José Mayor Oreja admitiu ante o xuíz da Audiencia Nacional Pablo Ruz que no ano 2011 se realizaron dúas doazóns de 20.000 e 40.000 euros ao Partido Popular a través dúas sociedades controladas pola compañía e que non contrataron coa administración pública en 2011.

Nesta información no marco do Caso Bárcenas no informativo Telexornal Serán non se da un dato relevante, José Mayor Oreja é irmán do ex ministro do Interior Jaime Mayor Oreja, do Partido Popular.

Tampouco se apunta que os ‘papeis de Bárcenas’ atribúen ao ex presidente de FCC Construción, entregas ao PP por valor de 165.000 euros.  Segundo o informe da UDEF, as administracións ‘populares’ adxudicáronlle entre 2002 e 2012 un total de 587 obras por un importe de 4.132,58 millóns de euros dos 1.615 contratos públicos que recibiu nese período por valor de 15.004 millóns de euros.

 

http://www.abc.es/espana/20130528/abci-empresarios-donaciones-201305281822.html

 

http://politica.elpais.com/politica/2013/05/28/actualidad/1369751484_277881.html

http://www.elmundo.es/elmundo/2013/05/28/espana/1369726428.html

http://www.crtvg.es/informativos/mayor-oreja-e-o-pp-defenden-a-legalidade-dunha-doazon-de-60-000-euros-595365