A TVG encóntralle a Rajoy o “encaixe” que lle negou a Feijóo

 

Rajoy ten encaixe na programación da TVG. Feijóo, en cambio, non.

 

“Feijóo é un narcopresidente”

Beiras xustifica o seu xesto de “transgresión” no Parlamento para dicirlle a Feijóo: “Vostede non é ninguén, mamarracho”. Unha información que aparece na Axencia EFE as 19:27 o 29 de abril e que se reflictíu nos xornais dixitais.

http://www.abc.es/espana/20130430/abci-beiras-punetazo-reventon-201304292137.html

http://ccaa.elpais.com/ccaa/2013/04/29/galicia/1367258177_964798.html

Despois de varios días presentando declaracións sobre a actidude de Beiras no Parlamento, do Goberno, do propio presidente da Xunta, e tamén da oposición, estas desclaracións do voceiro de AGE e principal actor da singular protesta non se recollen na Galega.

Asunto Dorado, case de puntillas

 

 

Mércores, 24 de abril: os partidos da oposición volveron pedir en bloque a demisión do presidente da Xunta polas fotografías nas que aparece en compaña do narcotraficante, Marcial Dorado. En ningún momento se fala delo nos principais Telexornais, que se limitan a recoller intervencións dos voceiros do PsdeG e BNG e a correspondente resposta do presidente. O titular da web da CRTVG é: “Feijóo reprocha a actitude da oposición no caso de Marcial Dorado”.

http://www.crtvg.es/informativos/feijoo-reprocha-a-actitude-da-oposicion-no-caso-marcial-dorado-573468

Non se ofrece o momento no que Jorquera e Pachi Vázquez mostran recortes dun  xornal mexicano que fai referencia á reunión de Feijóo co presidente Peña Nieto facendo fincapé en que este ía recibir a  visita dun “político vinculado co narcotráfico”. Nin tampouco a resposta de Feijóo a Pachi Vázquez: “É un filón electoral para o PP”.

De Dorado nin un segundo

O presidente da Xunta fixo referencia o luns 22 de abril a publicación das fotos con Marcial Dorado en declaracións tras un almorzo informativo en Madrid. Unha información publicada pola axencia Europa Press ás 11:47 e que despois se recollía en edicións dixitais.

http://www.lavozdegalicia.es/noticia/galicia/2013/04/22/feijoo-denuncia-campana-contra-juez-encarcelo-dorado/00031366625944297401650.htm

http://politica.elpais.com/politica/2013/04/22/actualidad/1366629843_668210.html

Na TVG elaborouse unha información na que se incluían as declaracións de Feijóo chamando a unidade e pedindo o PSOE que se traballara polos intereses xerais.

Ésta é a única nova que non se destaca na web

Tódolos xornais dan o día 16 a noticia de que o xuiz Bermudez abre unha causa por branqueo de capitais contra Marcial Dorado, o narcotraficante galego que aparece nas fotos co presidente da Xunta, Núñez Feijóo, publicadas dias pasados.

http://politica.elpais.com/politica/2013/04/16/actualidad/1366114239_974234.html

http://www.lavozdegalicia.es/noticia/galicia/2013/04/16/gomez-bermudez-abre-juicio-oral-contra-marcial-dorado-blanqueo-capitales/00031366115108099495726.htm

http://www.farodevigo.es/galicia/2013/04/16/bermudez-abre-diligencias-dorado-delitos-blanqueo/792466.html

Television de Galicia da unha noticia breve no Telexornal Serán sen mencionar a relación de Marcial Dorado con Feijóo. Para ver esta información hai que ver outra anterior de Oriol Pujol. É a unica da web que non ten titular propio.

http://www.crtvg.es/informativos/oriol-pujol-imputado-na-trama-das-itv-declara-no-tribunal-superior-de-xustiza-de-cataluna-568616

  

 

 

Manipulación dende o titular

 

Así titulou a CRTVG o debate parlamentario do mércores 10 de abril no que o Presidente da Xunta compareceu para explicar a súa relación con Marcial Dorado.

Como podedes escoitar no seguinte enlace Feijóo dixo que “o bipartito concedeulles ás empresas de Dorado máis axudas que calquera das lexislaturas do Presidente Fraga”. O titular da web da CRTVG en cambio omite a alusión ás lexislaturas do Partido Popular.

http://www.crtvg.es/informativos/feijoo-desvela-que-o-bipartito-subvencionou-as-empresas-de-dorado-e-que-pachi-vazquez-lle-propuxo-silenciar-a-operacion-campeon-564492

 

 

Así trataron os xornais con máis lectores de Galicia a información.

 

 

Os medios públicos e as fotos de Feijóo

 

Os medios públicos de Galicia, a Televisión de Galicia e a Radio Galega, NON emitiron o debate parlamentario sobre a publicación das fotos do presidente Feijóo co narcotraficante, Marcial Dorado, publicadas no xornal El País o domingo, 31 de marzo. O mesmo ocorreu o luns, 1 de abril, coa rolda de prensa do presidente da Xunta nas que deu as primeiras explicacións sobre a súa relación co narcotraficante.

Ningunha das canles da Radio Galega e a Televisión de Galicia emitiron a sesión parlamentaria deste mércores.  Só se realizaron conexións esporádicas. Sí se emitíu a través da web crtvg.es.  Outros medios, como El País, La Voz, Faro de Vigo, si emitiron o debate na súa integridade.

Fundación Galega contra o Narcotráfico pide explicacións a Feijóo

A Axencia EFE informa o día 8 de Abril de que a Fundación Galega contra o Narcotráfico emitíu un comunicado sobre as fotografías do Presidente da Xunta co narcotraficante Marcial Dorado. A Fundación reclama “oportunas explicacións para que non quede ningunha dúbida ó respecto”. Nos principais informativos da TVG non se fixo referencia a esta información.

 

http://www.laregion.es/noticia/249413/fundacion/contra/narcotrafico/reclama/explicaciones/feijoo/

http://www.europapress.es/galicia/noticia-fundacion-contra-narcotrafico-pide-amplias-detalladas-explicaciones-aclarar-fotos-feijoo-dorado-20130408113552.html

http://www.elcorreogallego.es/galicia/ecg/fundacion-narcotrafico-pide-amplias-detalladas-explicaciones-aclarar-fotos-feijoo-dorado/idEdicion-2013-04-08/idNoticia-800422/

En cambio o Telexornal Mediodía do día 9 de abril sí emitíu as declaracións de do Fiscal Superior de Galicia, Carlos Varela, nas que afirmaba que non vía ningún feito punible nas fotografías.

http://www.crtvg.es/informativos/o-fiscal-superior-de-galicia-non-ve-ningun-feito-punible-nas-fotos-de-feijoo-e-dorado-563779

As declaracións do Valedor do Pobo

Sábado, 6 de abril. O Valedor do Pobo en funcións, Xosé Xulio Fernández, respalda públicamente ao presidente da Xunta, Alberto Núñez Feijóo, no caso das fotografías co narcotraficante Marcial Dorado. O Telexornal Serán recolle estas declaracións.

 http://www.crtvg.es/informativos/o-valedor-do-pobo-considera-que-as-fotos-de-feijoo-non-tinan-interese-xornalistico-neste-momento-562589

Sábado, 6 de abril e domingo, 7 de abril. Os tres partidos da oposición censuran estas declaracións do Valedor do Pobo.

http://www.lavozdegalicia.es/noticia/galicia/2013/04/08/oposicion-censura-valedor-negar-valor-fotos-feijoo/0003_201304G8P6995.htm

As reaccións de PSdeG (o sábado), e de AGE e BNG (o domingo en declaracións ás axencias de noticias tras a manifestación contra a a mina de Corcoesto) non aparecen en ningún Telexornal. Beiras evitou valorar as palabras do Valedor a preguntas dos xornalistas presentes en Corcoesto (entre eles un equipo da TVG) a Vence non se lle fixo ningunha pregunta o respecto. Si falaron despois coas axencias de noticias. Os teletipos chegaron antes das 14:15 pero esas declaracións non apareceron en ningún Telexornal.

As distintas varas de medir

Domingo, 31 de marzo de 2013. O xornal El País publica unha ampla información sobre a “estreita amizade” que mantivo
nos anos 90 o presidente da Xunta, Alberto Núñez Feijóo, con Marcial Dorado, “entón capo do tabaco en Galicia e agora no cárcere por narcotráfico”. A información acompáñase con fotos onde aparecen xuntos os dous homes.

http://politica.elpais.com/politica/2013/03/30/actualidad/1364678135_744979.html

Ese mesmo día, no Telexornal ofrécese un único video onde se recollen as fotos publicadas por El País, as explicacións
do presidente Feijóo á Radio Galega e o comunicado do PP, sen ofrecer ningún dos detalles achegados polo xornal na súa
exclusiva. O video emítese ás 14:42 e ás 21:12, ben avanzados os Telexornais do día. Non se ofrecen reaccións dos distintos partidos políticos galegos.

http://www.crtvg.es/informativos/o-presidente-di-que-levaban-anos-ameazandoo-con-publicalas-558532

Luns, 1 de abril de 2013. O xornal La Razón publica que segundo un informe da UDEF (Unidade Central de Delincuencia
Económica e Fiscal) a obra do chalé do ex-ministro socialista Xosé Blanco “pagouna” o empresario José Antonio Orozco.

http://www.larazon.es/detalle_normal/noticias/1699319/la-udef-concluye-que-la-obra-del-chale-de-blan#.UV4R3aJFB8E

Esta información sí que merece un video con todo luxo de detalles nos dous Telexornais.

http://www.crtvg.es/informativos/la-razon-asegura-que-un-amigo-de-xose-blanco-lle-pagou-a-reforma-da-sua-casa-559236

Martes, 2 de abril de 2013. O xornal ABC denuncia que o secretario xeral de CC.OO., Ignacio Fernández Toxo, avalou ante notario a creación dunha asociación para o cobro de ERE.

http://www.abc.es/espana/20130402/abci-toxo-notario-201304012228.html

De novo, a noticia aparece destacada, desta volta, no telexornal
serán.

http://www.crtvg.es/informativos/o-secretario-xeral-de-cc-oo-avalou-supostamente-a-creacion-dunha-empresa-que-cobrou-ere-fraudulentos-559930

Mércores, 3 de abril de 2013 La Voz de Galicia destaca que
Feijóo chegou a ofrecer en 2003 a súa demisión polas fotos con
Marcial Dorado.

http://www.lavozdegalicia.es/noticia/politica/2013/04/03/feijoo-llego-ofrecer-2003-dimision-fotos-marcial-dorado/0003_201304G3P2991.htm

Desta volta, unha información de semellante calibre exclusiva dun xornal NON aparece nos Telexornais. Ese día omítense as reaccións de AGE e do BNG sobre a evolución do caso.

Ese día tampouco se recolle outra nova destacada nun xornal de tirada nacional como El Mundo: o concello de Madrid costeou 203 clases de golf para Aznar e os seus familiares. Nin rastro dela nos Telexornais.