E o correctivo do Tribunal Supremo a Gallardón?

 

 

 

               O martes 3 de xuño coñécese unha información de enorme alcance. O Tribunal Supremo cre que a reforma da Lei orgánica do Poder xudicial, promovida polo Ministro de Xustiza, Alberto Ruiz-Gallardón, pode non ser constitucional, e sinala que condiciona a independencia xudicial.

Á Conselleira de Traballo non lle gusta a reforma da lei do aborto

                    O venres 14 de marzo, a Conselleira de Traballo e Benestar, Beatriz Mato, intervén nos “almorzos da Asociación da Prensa da Coruña”, onde afirma que non lle gusta o anteproxecto de reforma da lei do aborto promovida polo seu compañeiro de partido e Ministro de Xustiza, Alberto Ruiz Gallardón.

                     Mato apelou a que se busque o consenso na tramitación da lei, engadindo que “pode facerse mellor e espero que cambie”, porque segundo ela “aquí falamos de conciencia, non de dereitas nin de esquerdas”.

Onde está o expediente perdido de Garzón, … e a noticia?

 

21 de xaneiro. A historia do indulto a Garzón comeza o 16 de maio de 2012,cando aínda non existía Eunonmanipulo. A “Asociación de Magistrados Europeos por la Democracia y las Libertades”(MEDEL), unha organización sen ánimo de lucro con 28 anos de historia e da que forman parte “Jueces para la Democracia” y “Unión Progresista de Fiscales” solicitaba un indulto para Baltasar Garzón. Pedían que se obviaran por completo os efectos da pena de inhabilitación decididos para o xuíz dende a Sala II do Tribunal Supremo.

Novas fisuras no PP pola reforma do aborto

 Xoves, 2 de xaneiro: Novas Xeracións desautoriza ao seu número dous, o deputado no Parlamento de Galicia Javier Dorado, por cuestionar o anteproxecto de reforma do aborto do Goberno de Rajoy.

A reforma do aborto amodiño

 

2 de xullo.A vicepresidenta Soraya Sáenz de Santamaría anunciaba de xeito informal aos xornalistas que a polémica reforma da lei do aborto promovida por Gallardón aprázase sine die, punto que máis tarde matizó a través dun portavoz para dicir que non se aparcaba, senón que “se tramitará ao mesmo ritmo que outras leis».

Aborto legal por dano psicolóxico, TVG non se fai eco

 

O Telexornal Mediodía non recolleu hoxe as novas declaracións do ministro de Xustiza, Alberto Ruiz Gallardón, sobre a futura lei do aborto. Gallardón anunciou que se vai manter a despenalización do aborto cando haxa “risco de dano psicolóxico para a nai”. Este suposto xa existía na lexislación de 1985 e foi o mais usado polas mulleres. As asociacións antiabortistas sempre o consideraron un coladeiro. O suposto tamén se pode aplicar a casos de malformación do feto.

Xornais e axencias recollen hoxe este anuncio de Gallardón, o principal informativo de TVG non.

 

http://www.farodevigo.es/espana/2013/05/23/gallardon-dice-aborto-contemplara-malformaciones/815555.html

 

http://politica.elpais.com/politica/2013/05/23/actualidad/1369294565_608436.html

 

http://www.abc.es/sociedad/20130523/abci-gallardon-aborto-201305231117.html

Gallardón debate con… Gallardón

 

O ministro de Xustiza, Alberto Rúiz Gallardón, di no Senado que o aborto nunca poderá ser por razón de discapacidade. Díxoo en resposta á senadora da Entesa Mónica Almiñana (socialista). O Telexornal só ofrece as declaracións do ministro. (No minuto 1:14 deste enlace)

http://www.crtvg.es/informativos/o-pp-iniciara-contactos-cos-grupos-parlamentarios-para-chegar-a-un-consenso-sobre-a-lomce-590311

A senadora preguntoulle ao ministro: “Quen é vostede, nin eu, nin ninguén para obrigar a convivir a milleiros de persoas coa enfermidade ou coa morte prematura dos fillos?”