E os insultos do voceiro do goberno coruñés do PP?

Luns 5 de maio: no concello da Coruña desenvólvese un dos plenos municipais máis broncos e “quentes” nos últimos tempos.

Nun momento da sesión, o primeiro tenente de Alcalde e voceiro do goberno municipal do PP, Julio Flores, contestoulle dun xeito especialmente insultante ao voceiro de Esquerda Unida, César Santiso, chamándolle “vago e inútil”.

Os grupos do PSdeG-PSOE e do BNG rexeitaron as verbas de Flores, que está imputado na operación Pokémon, e solidarizáronse con Santiso.

Ocultando os enfrontamentos na Deputación da Coruña

 

         O venres 22 de novembro, prodúcense incidentes e altercados durante o pleno da Deputación de A Coruña, cando desde as bancadas do público, o alcalde de Oleiros, Angel García Seoane (pertencente ao grupo Alternativa dos veciños) increpa ao presidente Diego Calvo.