Nin rastro do drama dos desafiuzamentos

              O venres 13 coñécese o informe do Consello xeral do Poder xudicial (CXPX) sobre os efectos da crise económica, que destaca o aumento dos desafiuzamentos en España durante 2014. A cifra total foi de 68.091, un 1’3 % máis dos rexistrados en 2013.

               O maior avance producíuse nos desafiuzamentos por impago de hipotecas, que medraron case o 12 % con respecto ao ano anterior.

               Galicia foi unha das comunidades con peor comportamento, ao aumentar os desafiuzamentos un 4’78 %, ata un total de 2.519 en 2014.

                A noticia ten unha ampla repercusión na meirande parte dos medios de comunicación. Velahí algúns exemplos:

http://www.lavozdegalicia.es/noticia/economia/2015/03/14/galicia-practican-210-desahucios-mes/0003_201503G14P36993.htm

http://www.laopinioncoruna.es/galicia/2015/03/13/desahucios-inmuebles-suben-4-2014/936696.html

http://cadenaser.com/ser/2015/03/13/economia/1426246339_323194.html

http://www.elidealgallego.com/articulo/economia/desahucios-aumentaron-galicia-casi-5-ano-pasado/20150313233223233268.html

http://www.elcorreogallego.es/galicia/ecg/sube-numero-desahucios-inmuebles-galicia-cada-tres-ejecucion-hipotecaria/idEdicion-2015-03-13/idNoticia-920986/

http://www.abc.es/economia/20150313/abci-desahucios-cgpj-datos-201503131109.html

http://www.radiointereconomia.com/2015/03/13/la-pah-culpa-a-pp-y-psoe-de-los-500-000-desahucios-que-ha-habido-desde-2008/

http://www.20minutos.es/noticia/2403735/0/desahucios-crecen-2014/1-3-frente-2013/informe-cgpj/

                Dicimos o da meirande parte dos medios de comunicación, porque desgrazadamente a TVG ignora isa información, facendo o conseguinte ridículo. Seguramente porque a consigna dos Telexornais é dar sempre noticias en positivo… “optimizar” todo para favorecer ao PP e a súa xestión. E claro, este dato tan negativo dos desafiuzamentos – sobre todo en Galicia – é moi malo e hai que ocultalo. Xa saben como as gastan @s responsables de informativos da TVG…

                Como dubidar da catadura moral desta xente, que nin sequera o pasado mércores fixo alusión á traxedia que supoñen os suicidios en Galicia por mor da crise económica, segundo indica un estudo de profesionais da psicoloxía e doutros ámbitos na nosa comunidade:

                E hai algo máis dunha semana, a TVG tampouco deu absolutamente nada do veto do PP no Parlamento a unha solicitude do BNG, apoiada por PS de G-PSOE e AGE, para que se paralicen os desafiuzamentos en Galicia:
                  Outra vergoña máis. Manipular – neste caso ocultando – a dramática situación de milleiros de familias que deben abandonar o seu fogar, é unha infamia que reflicte ata que punto @s responsables da TVG están dispost@s a todo con tal de colaborar co goberno do PP. O de menos para el@s é informar. O máis importante é manter os seus privilexios e prebendas, aínda que perdan a dignidade. Claro que, quen non a ten, non a pode perder…

O aumento dos desafiuzamentos non interesa

                       O venres 12 de decembro, o Consello xeral do Poder xudicial presenta o informe sobre os efectos da crise económica durante o terceiro trimestre do ano, de xullo a setembro, destacando que en España se levaron a cabo case 13.500 desafiuzamentos, un 7’3 % máis que no mesmo período do ano anterior, en 2013.

                A análise do CXPX divúlgase menos de 24 horas despois de que o presidente do goberno, Mariano Rajoy, declarase que “a crise económica é xa historia” (sic).

Seguir lendo

Galego “moi molesto”

      Roberto Rivas deixou de ser un personaxe anónimo o día que se negou a participar no desafiuzamento dunha anciá, Aurelia Rey, no centro da Coruña.

      O seu xesto saíu en tódolos medios de comunicación de España e abríu o debate sobre se os bombeiros estaban ou non obrigados a actuar nestes actos xudiciais.

Seguir lendo

Un membro do Consello de Administración da CRTVG imputado e nos informativos silénciase

14 de outubro de 2014. O dirixente provincial do PP de Lugo José Luis Iravedra e outras tres persoas ligadas ao partido foron citados a declarar en calidade de imputados a raíz dunha denuncia por carrexo de votos nas eleccións autonómicas do 21 de outubro de 2012.

Seguir lendo

Ocultando os pésimos datos do comercio galego minorista

 

         O venres 29 coñécense os datos das vendas no comercio minorista no mes de xullo, que sitúan a Galicia como a peor comunidade autónoma española.
         A comunidade galega foi a que máis acusou o desplome nas vendas, cun 3’5 % respecto ao mesmo mes do ano anterior.

Seguir lendo

A autocrítica postelectoral de Feijóo non interesa

 

Tres días despois das eleccións europeas, o presidente da Xunta e do PPdeG, Alberto Núñez Feijóo declaraba que os casos de corrupción “tiveron un peso non menor” nos resultados destes comicios e chamaba a facer autocrítica.

http://ccaa.elpais.com/ccaa/2014/05/28/galicia/1401281313_361229.html

A nova foi recollida durante varios días en medios galegos e de tirada estatal con diversas liñas editoriais:

http://www.lavozdegalicia.es/noticia/politica/2014/05/29/feijoo-admite-desgaste-electoral-corrupcion/0003_201405G29P3991.htm
http://www.elcorreogallego.es/galicia/ecg/feijoo-hace-autocritica-pide-saber-interpretar-aviso-25-m/idEdicion-2014-05-29/idNoticia-871655/
http://www.farodevigo.es/galicia/2014/05/29/feijoo-admite-ahora-corrupcion-tuvo/1032482.html
http://www.laopinioncoruna.es/galicia/2014/05/29/feijoo-admite-ahora-corrupcion-tuvo/846071.html
http://www.abc.es/espana/20140528/abci-feijoo-autocritica-victoria-europeas-201405281934.html
http://www.periodistadigital.com/galicia/la-coruna/2014/05/30/el-presidente-nunez-feijoo-admite-que-la-corrupcion-tuvo-un-peso-no-menor-en-las-europeas.shtml

Porén, as declaracións non tiveron cabida en ningún dos informativos da televisión pública galega. A autocrítica, aínda que veña do presidente, non interesa.

Burlas e críticas internas no PPdeG que non son noticia

mofa ppdeG

Os malos resultados electorais empezan a facer estragos no PPdeG. O coordenador de Organización do partido e deputado autonómico Alejandro Gómez, e o exdirector xeral de Administración local  Norberto Uzal mantiveron unha conversa aberta na rede social Facebook na que criticaron e mesmo se burlaron da estratexia electoral do secretario xeral del PPdeG, Alfonso Rueda. 

Durante a tarde do 28 de maio,  a conversa, agora xa borrada, foi noticia en varios medios.

http://ccaa.elpais.com/ccaa/2014/05/28/galicia/1401296263_097140.html

http://www.farodevigo.es/galicia/2014/05/28/coordinador-organizacion-ppdg-critica-estrategia/1032192.html

http://praza.com/falase/21400/

No Telexornal Serán non informaron deste evidente descontento interno no PPdeG pola perda de 15 puntos nos resultados electorais.

Sen embargo, comentarios políticos nas redes sociais foron noticia outras veces:

http://www.crtvg.es/informativos/dimite-unha-concelleira-socialista-en-vilagarcia-por-un-comentario-sobre-o-crime-814161

http://www.crtvg.es/informativos/dimite-a-concelleira-do-psdeg-de-meis-polo-seu-comentario-tras-o-asasinato-814644

http://www.crtvg.es/informativos/polemica-por-un-comentario-dun-socialista-sobre-cristina-cifuentes-646551

Coma noutras moitas ocasións, diferente raseiro para medir as actuacións dos políticos, segundo as siglas ás que pertenzan.