A redacción de informativos da Televisión de Galicia recibiu con alegría a nova de que dúas das nosas, as xornalistas Encina Ramos e Carme Santos, viran recoñecidos os seus traballos pola Fundación Profesor Novoa Santos. As reportaxes premiadas emitíronse no programa Reporteiros, desaparecido da programación da TVG por decisión da dirección de informativos.
O martes 28 de maio, o programa “foro aberto” aborda o polémico asunto da mina de Corcoesto con tres analistas: Serafín González (Sociedade galega de historia natural), Alfonso Ares (USO Galicia) e Pablo Acción (Xefe de informativos da cadea Cope en Galicia, habitual deste espazo).
Mentres o primeiro é contrario ao proxecto, os outros dous son partidarios del. González expón con datos e feitos a inconveniencia da explotación, mentres Ares e Acción divagan e non ofrecen argumentos sólidos.
ESPECIALMENTE INQUISIDOR E CRÍTICO (con Serafín González) MÓSTRASE PABLO ACCIÓN, QUE ANTEPÓN OS INTERESES ECONÓMICOS AOS POSIBLES PERXUÍZOS PARA A SAÚDE DOS CIDADÁNS E O MEDIO NATURAL.
http://www.crtvg.es/tvg/programas/foro-aberto
Algunhas “perlas” de Pablo Acción nun tema potencialmente tan grave para a poboación: “a empresa promete ter un seguro de responsabilidade civil…”, “un camión de ouro (o que se prevé sacar da mina en 8 anos)… o ouro en “New York”… a onza está a 1.200 euros…”; “os veciños non teñen nada que dicir… soamente as autoridades e os técnicos…”
Acción non mostra en ningún intre nin a máis mínima sensibilidade cos posibles problemas de contaminación na zona da mina…
Por certo, nun momento dado (ao redor do minuto 8’35”) o xornalista da Cope FALA DE CABANA DE BERGANTIÑAS… si, con “A”… e non rectifica.
Este é un dos xornalistas habituais en “foro aberto”, caracterizado sempre pola súa actitude a prol do PP, sen ningún disimulo. E por iso cobra, claro, como tódo-los xornalistas que acuden ao programa.
No seu perfil en internet da páxina “Linkedin” aparece o seguinte (textualmente):
Aptitudes y conocimientos de Pablo Acción Badía:
profundo conocedor de la realidad política y económica de Galicia.
Idiomas de Pablo Acción Badía:
Inglés, portugués.
Moi ben: UN SEÑOR QUE ACUDE COMO TERTULIANO HABITUAL (E COBRA) A “FORO ABERTO”, RECOÑECE ABERTAMENTE QUE NON FALA GALEGO !!!!!. Iso si, domina o portugués… igual queda máis fino para demostrar que é un profundo coñecedor da realidade política e económica de Galicia..
No espazo “Foro aberto” do martes 21 de maio, un dos asuntos que debaten os tertulianos que modera Carlos Luis Rodríguez é a entrevista que pouco antes mantivo en Antena 3 o ex-presidente do goberno José María Aznar.
Se practicamente tódo-los medios destacaron desa entrevista o desencontro e as críticas de Aznar co actual presidente Rajoy e ás súas políticas de goberno, “Foro aberto” só ofrece declaracións de Aznar cando di que nunca recibíu “sobres”, e que as súas declaracións da renda sempre foron meticulosas (ao redor do minuto 50’00”).
NON SE FALA NADA DAS CRÍTICAS DE AZNAR A RAJOY E AO ACTUAL GOBERNO (EN ESPECIAL AO MINISTRO MONTORO), e xa preto do final (minuto 59’00”), cando un dos intervintes (o avogado Xosé Antón Pérez Lema) di que a actitude de Aznar “é a de levitar” (sic), Carlos Luis Rodríguez INTERROMPEO E DILLE TEXTUALMENTE: “BUENO, BUENO, XOÁN ANTÓN… ESA É A MESMA ACTITUDE QUE TEN FELIPE GONZÁLEZ…”
maio http://www.crtvg.es/tvg/programas/foro-aberto
É dicir: o presentador moderador (suponse que debe ser imparcial) dun espazo informativo público da TVG interrompe a un tertuliano no seu libre uso da palabra para DEFENDER A AZNAR, CRITICANDO A FELIPE GONZÁLEZ, sen vir a conto para nada. Todo un exemplo para o xornalismo.
O programa “Foro aberto”, que presenta o nada sospeitoso Carlos Luis Rodríguez, comeza o mércores 15 de maio falando da sesión do Parlamento de Galicia celebrada ese mesmo día.
Tra-lo saúdo inicial, o presentador di textualmente: “NORMALIDADE entre comiñas (fai o xesto a cámara) no Parlamento galego: Beiras volve insultar ao presidente da Xunta” (minuto 00’17”).
No minuto 1’36”, Carlos Luis Rodríguez volve sobre o asunto dicindo: “como sempre, Beiras tivo un papel protagonista porque co micrófono pechado acusou ao presidente de ser un chulo de barra americana”… pero o que entra a continuación, É UN VIDEO DO ENFRONTAMENTO VERBAL ENTRE YOLANDA DÍAZ E FEIJOO sobre as facturas e contratos da Xunta coas empresas do narcotraficante Marcial Dorado.
Pero o máis grave ocorre no MINUTO 6’04” de programa. Falando con Carlos Aymerich sobre o caso de Beiras, CARLOS LUIS RODRÍGUEZ DI QUE… “SE CADRA TEN UN COÑECEMENTO CABAL DESE TIPO DE LOCAIS” (cita textual)… unha alusión inaxeitada, miserable e totalmente fora de lugar nun espazo informativo público da Televisión de Galicia.
Martes 30 de maio. Emítese o programa “Foro aberto”, e preto do final, o tertuliano Domingo Bello Janeiro (Catedrático de Dereito civil na Universidade de A Coruña e encendido defensor das políticas de dereitas e, obviamente, do PP), fai a seguinte apreciación:
“… AS MULLERES HONESTAS E OS POBOS FELICES NON TEÑEN HISTORIA, TEÑEN FUTURO” (sic)
O “analista” atribúelle a frase ao poeta modernista mexicano Amado Nervo. Non está demostrado que sexa así porque hai máis versións sobre a autoría da mesma.
En todo caso, Bello Janeiro asumea sen complexos e soltaa con absoluto descaro no programa. Minuto 58’10”.
Este é o tipo de comentaristas que acuden á TVG para programas de “debate”…
Denuncia da manipulación informativa na TVG 
Debe estar conectado para enviar un comentario.