Nin rastro do drama dos desafiuzamentos

              O venres 13 coñécese o informe do Consello xeral do Poder xudicial (CXPX) sobre os efectos da crise económica, que destaca o aumento dos desafiuzamentos en España durante 2014. A cifra total foi de 68.091, un 1’3 % máis dos rexistrados en 2013.

               O maior avance producíuse nos desafiuzamentos por impago de hipotecas, que medraron case o 12 % con respecto ao ano anterior.

               Galicia foi unha das comunidades con peor comportamento, ao aumentar os desafiuzamentos un 4’78 %, ata un total de 2.519 en 2014.

                A noticia ten unha ampla repercusión na meirande parte dos medios de comunicación. Velahí algúns exemplos:

http://www.lavozdegalicia.es/noticia/economia/2015/03/14/galicia-practican-210-desahucios-mes/0003_201503G14P36993.htm

http://www.laopinioncoruna.es/galicia/2015/03/13/desahucios-inmuebles-suben-4-2014/936696.html

http://cadenaser.com/ser/2015/03/13/economia/1426246339_323194.html

http://www.elidealgallego.com/articulo/economia/desahucios-aumentaron-galicia-casi-5-ano-pasado/20150313233223233268.html

http://www.elcorreogallego.es/galicia/ecg/sube-numero-desahucios-inmuebles-galicia-cada-tres-ejecucion-hipotecaria/idEdicion-2015-03-13/idNoticia-920986/

http://www.abc.es/economia/20150313/abci-desahucios-cgpj-datos-201503131109.html

http://www.radiointereconomia.com/2015/03/13/la-pah-culpa-a-pp-y-psoe-de-los-500-000-desahucios-que-ha-habido-desde-2008/

http://www.20minutos.es/noticia/2403735/0/desahucios-crecen-2014/1-3-frente-2013/informe-cgpj/

                Dicimos o da meirande parte dos medios de comunicación, porque desgrazadamente a TVG ignora isa información, facendo o conseguinte ridículo. Seguramente porque a consigna dos Telexornais é dar sempre noticias en positivo… “optimizar” todo para favorecer ao PP e a súa xestión. E claro, este dato tan negativo dos desafiuzamentos – sobre todo en Galicia – é moi malo e hai que ocultalo. Xa saben como as gastan @s responsables de informativos da TVG…

                Como dubidar da catadura moral desta xente, que nin sequera o pasado mércores fixo alusión á traxedia que supoñen os suicidios en Galicia por mor da crise económica, segundo indica un estudo de profesionais da psicoloxía e doutros ámbitos na nosa comunidade:

http://www.lavozdegalicia.es/noticia/galicia/2015/03/11/alarmante-aumento-suicidios-galicia-crisis-economica/00031426098959307199858.htm

                E hai algo máis dunha semana, a TVG tampouco deu absolutamente nada do veto do PP no Parlamento a unha solicitude do BNG, apoiada por PS de G-PSOE e AGE, para que se paralicen os desafiuzamentos en Galicia:

http://www.lavozdegalicia.es/noticia/galicia/2015/03/05/pp-veta-peticion-paralizar-desahucios-galicia/00031425553363594700449.htm

http://www.europapress.es/galicia/noticia-pp-asume-no-logico-ofrecer-realojos-30-kilometros-resalta-xunta-actua-desahucios-20150305133458.html

                  Outra vergoña máis. Manipular – neste caso ocultando – a dramática situación de milleiros de familias que deben abandonar o seu fogar, é unha infamia que reflicte ata que punto @s responsables da TVG están dispost@s a todo con tal de colaborar co goberno do PP. O de menos para el@s é informar. O máis importante é manter os seus privilexios e prebendas, aínda que perdan a dignidade. Claro que, quen non a ten, non a pode perder…

Amplo espazo para o triángulo ETA-Venezuela-Podemos

Luns, 16 de febreiro. O Telexornal Mediodía, o de maior audiencia da TVG, dedica un amplo espacio a noticias sobre a ETA, Podemos e a súa suposta relación con Venezuela.

O aumento dos desafiuzamentos non interesa

                       O venres 12 de decembro, o Consello xeral do Poder xudicial presenta o informe sobre os efectos da crise económica durante o terceiro trimestre do ano, de xullo a setembro, destacando que en España se levaron a cabo case 13.500 desafiuzamentos, un 7’3 % máis que no mesmo período do ano anterior, en 2013.

                A análise do CXPX divúlgase menos de 24 horas despois de que o presidente do goberno, Mariano Rajoy, declarase que “a crise económica é xa historia” (sic).

Fe de erratas: si se dixo que Rafael Blasco era do PP

O pasado día 28 publicamos neste blog que o Telexornal Mediodía da TVG  non daba a filiación política do ex conselleiro de Solidariedade da Comunidade de Valencia, Rafael Blasco, condenado a oito anos de cadea por prevaricación e malversación. Pois hoxe temos que aclarar que sí se dixo nese informativo que Blasco era do PP cando supostamente delinquiu.  Malia que no texto da páxina web da CRTVG non figura o dato, a presentadora si o relacionou co Partido Popular na súa locución en directo.

http://www.crtvg.es/informativos/8-anos-de-prision-e-20-de-inhabilitacion-para-o-ex-conselleiro-valenciano-de-solidariedade-823893

Tamén nos titulares se vencellaba a Rafael Blasco co PP valenciano.

http://www.crtvg.es/informativos/titulares-das-14-25-h-823917

Pedimos, pois, disculpas por este erro, aínda que mantemos que foi moi escasa a información que o telexornal deu sobre a condena de oito anos de cadea para Rafael Blasco por, entre outras cousas,  malversar fondos públicos destinados ao terceiro mundo cando formaba parte do Goberno valenciano que presidía Francisco Camps.

 

 

A autocrítica postelectoral de Feijóo non interesa

 

Tres días despois das eleccións europeas, o presidente da Xunta e do PPdeG, Alberto Núñez Feijóo declaraba que os casos de corrupción “tiveron un peso non menor” nos resultados destes comicios e chamaba a facer autocrítica.

http://ccaa.elpais.com/ccaa/2014/05/28/galicia/1401281313_361229.html

A nova foi recollida durante varios días en medios galegos e de tirada estatal con diversas liñas editoriais:

http://www.lavozdegalicia.es/noticia/politica/2014/05/29/feijoo-admite-desgaste-electoral-corrupcion/0003_201405G29P3991.htm
http://www.elcorreogallego.es/galicia/ecg/feijoo-hace-autocritica-pide-saber-interpretar-aviso-25-m/idEdicion-2014-05-29/idNoticia-871655/
http://www.farodevigo.es/galicia/2014/05/29/feijoo-admite-ahora-corrupcion-tuvo/1032482.html
http://www.laopinioncoruna.es/galicia/2014/05/29/feijoo-admite-ahora-corrupcion-tuvo/846071.html
http://www.abc.es/espana/20140528/abci-feijoo-autocritica-victoria-europeas-201405281934.html
http://www.periodistadigital.com/galicia/la-coruna/2014/05/30/el-presidente-nunez-feijoo-admite-que-la-corrupcion-tuvo-un-peso-no-menor-en-las-europeas.shtml

Porén, as declaracións non tiveron cabida en ningún dos informativos da televisión pública galega. A autocrítica, aínda que veña do presidente, non interesa.

Quén apoiaba a Rafael Blasco cando malversou fondos?

Mércores, 28 de maio. A xustiza valenciana condena ao exconseller Rafael Blasco a oito anos de cadea e 20 de inhabilitación por fraude nas axudas ao desenvolvemento, delito supostamente cometido cando era responsable do departamento de Solidaridad no Goberno de Francisco Camps, do PP.

As disculpas de Cañete son noticia, a tardanza en dalas non

Televisión de Galicia apresurouse hoxe, mércores 21 de maio, a infomar de que  Arias Cañete, cabeza de lista do PP ás eleccións  europeas, pedía disculpas a Elena Valenciano, candidata socialista, polas súas delcaracións machistas do pasado venres.

A Xustiza Universal xa non interesa

Son varios os xuices que están a crticar a reforma da Xustiza Universal levada a cabo polo Goberno do Partido Popular. O último en facelo foi Fernando Andreu, o mércores 21 de maio no foro organizado pola Fundación Baltasar Garzón.

De puntillas sobre o “machismo” de Cañete

 

Televisión de Galicia obviou a polémica suscitada tralo debate televisivo entre Arias Cañete e Elena Valenciano, candidatos do PP e do PSOE ás eleccións europeas.

Os contrastes informativos cos datos do paro

             O martes 6 de maio, coñécense os datos do paro do pasado mes de abril, que ofrecen un descenso no número de desempregados de algo máis de 111.000 persoas en España, das que 6.300 corresponden a Galicia.

             Son cifras referidas á diferencia co mes de marzo, e hai un detalle moi importante: a influencia positiva da semana santa, que conleva un importante aumento de contratacións sobre todo no sector servizos.

             O Telexornal mediodía da TVG fai case un mini-especial informativo sobre o asunto, con gran realce nos titulares, e con varios videos que resaltan eses datos, aínda que deixando perdido polo medio da noticia o dato da importancia da semana santa.