Mércores 4 de xuño. A voceira do PP de Galicia, número tres na xerarquía do partido e persoa de confianza do presidente Alberto Núñez Feijoo, Paula Prado, dimite do seu cargo orgánico pero non deixa o escano no Parlamento de Galicia.
A súa presunta relación coa operación Pokemon, cando era concelleira en Santiago, complicáballe o labor de voceira do partido do goberno galego, segundo ela mesma explicou en rolda de prensa.
O domingo 1 de xuño, o maxistrado do Tribunal constitucional, Enrique López, moi próximo ao PP, é detido en Madrid por varios delitos contra a seguridade vial: saltar un semáforo en vermello, conducir a súa moto sen o casco regulamentario, e cuadriplicar a taxa máxima permitida de alcohol.
Venres 21 de febreiro. A concelleira do Partido Popular en Calasparra (Murcia), Davinia Saorín, que hai uns días cualificou de “terroristas” ás mulleres que abortan, dimite do seu cargo, xunto co voceiro municipal do PP e o responsable de comunicación.
O venres 15, o PS de G-PSOE e o BNG reclaman a comparecencia do alcalde de Cea, José Luis Valladares (PP); do presidente provincial do PP, José Manuel Baltar; e do líder galego do PP e presidente da Xunta, Alberto Núñez Feijoo, para que expliquen a súa relación coa rede de fraude fiscal destapada polo responsable do grupo empresarial “5 Jotas”, José Manuel Costas.
13 setembro. O lume queima en Carnota o Monte Pindo. A organización Monte Pindo Parque Natural, (http://www.montepindo.org/), é das primeiras voces críticas co goberno da Xunta, pola súa actuación neste incendio e pola xestión deste espazo natural.
Eureka !!!, que diría Arquímedes. Á sexta foi a vencida !!!. Por fin, o xoves 22 de agosto A TVG INFORMA SOBRE O ALCALDE DE BARALLA, que semanas atrás xustificou as condenas a morte do franquismo.
O luns 19 de agosto, o alcalde de Baralla, Manuel González Capón (PP), accede às peticións dos grupos municipais do PSOE e o BNG de CONVOCAR UN PLENO EXTRAORDINARIO PARA DEBATER A SÚA DIMISIÓN, despois de que días atrás, durante un pleno, afirmara que “os que foron condenados a morte durante o franquismo merecíano”.
Xoves, 16 de maio: dimite o presidente do INORDE, Jose Manuel Freire Couto, alcalde de Barbadás e deputado provincial de Ourense, un político rodeado da polémica: multa de Facenda por non pagar todo o IRPF que lle corespondía e presuntas relacións con construtores e políticos corruptos.
http://ccaa.elpais.com/ccaa/2013/05/16/galicia/1368722388_815786.html
Para a Televisión de Galicia non existíu a noticia.
Venres 3 de maio. O alcalde de Cesuras, Julián Lucas (PP), anuncia a súa demisión por “motivos persoais”, segundo di nun comunicado.
O concello de Cesuras está inmerso nun complicado e difícil proceso de fusión con Oza dos Ríos, tamén gobernado polo PP. Numerosos veciños de Cesuras rexeitan a unión, e o mesmo alcalde Lucas chegou a recibir ameazas.
Tamén recibiron moitas críticas a Deputación da Coruña (o presidente Diego Calvo (PP) recibíu apupos en máis dunha ocasión), e a Xunta, por non ofrecer un proceso transparente e non contar coa cidadanía de Cesuras e Oza.
http://www.abc.es/local-galicia/20130503/abci-alcalde-cesuras-abandona-gobierno-201305031658.html
http://elprogreso.galiciae.com/nova/248500-alcalde-cesuras-dimite-pleno-proceso-fusion-oza
O Telexornal mediodía da TVG soamente ofrece 15 (QUINCE) segundos sobre a noticia, SEN CITAR EN NINGÚN MOMENTO QUE O PROCESO DE FUSIÓN ESTÁ PARALIZADO E ATRAVESA UNHA FASE DE GRAN INCERTIDUME. Unicamente se di que “O alcalde de Cesuras dimite por motivos persoais”…
http://www.crtvg.es/informativos/o-alcalde-de-cesuras-dimite-por-motivos-persoais-579328
Outra vez (e van…), O SILENCIO E A OCULTACIÓN en asuntos incómodos para o Partido Popular…
Denuncia da manipulación informativa na TVG 
Debe estar conectado para enviar un comentario.