E as dietas cobradas por non asistir ás sesións do Porto de Ferrol?

Ao longo destes días foron xurdindo noticias relacionadas co cobro de dietas na Autoridade portuaria de Ferrol, por parte de membros do consello de administración que nin sequera asistiron ás sesións.

Entre os que cobraron eses cartos (no seu caso por un importe de 4.565 euros) figura o actual presidente da Deputación de A Coruña, Diego Calvo (PP). En 2012, Calvo non acudíu a ningunha das xuntanzas dese organismo, pero percibíu o diñeiro.

E o aumento de altos cargos e soldos na Deputación da Coruña (PP) ??

                         O mércores 18 de decembro, logo de varios días negandoo, o presidente da Deputación da Coruña, Diego Calvo (PP), recoñece e xustifica o aumento de altos cargos no Organismo provincial.

           A reestructuración levada a cabo por Calvo e o seu partido na Deputación coruñesa -o PP ten maioría absoluta- mesmo pode ser ilegal, segundo advertíu o departamento de Intervención da propia institución.

Contratación de obras a dedo na Deputación da Coruña

                 14 de decembro. A Deputación da Coruña, gobernada polo PP con Diego Calvo á fronte, concede o 60 % das adxudicacións a dedo, mediante a fórmula do negociado sen publicidade, alegando que é para dotar dunha maior axilidade a xestión.

http://ccaa.elpais.com/ccaa/2013/12/13/galicia/1386965341_435719.html

 

                   Desto, na TVG nada de nada.

 

A Deputación da Coruña sobe os soldos e Feijóo mira para outro lado

12 de decembro. El Pais publica que o PP impuxo, grazas á súa maioría absoluta, fortes subas salariais, a creación dunha decena de xefaturas cubertas na súa maioría con funcionarios procedentes da Xunta, e unha reorganización do equipo que fai cachizas as tan reiteradas promesas de adelgazar a Administración e evitar duplicidades que constituían o cabalo de batalla electoral do PP cando chegou en 2011 ao goberno da Deputación coruñesa.

Ocultando os enfrontamentos na Deputación da Coruña

 

         O venres 22 de novembro, prodúcense incidentes e altercados durante o pleno da Deputación de A Coruña, cando desde as bancadas do público, o alcalde de Oleiros, Angel García Seoane (pertencente ao grupo Alternativa dos veciños) increpa ao presidente Diego Calvo.

Os problemas en Ferrol… e os graves incidentes no concello

O xoves 30 de maio, uns 3.000 traballadores de Navantia e empresas auxiliares de Ferrol maniféstanse pola cidade e cortan o tráfico na ponte das Pías, con barricadas e fogueiras de neumáticos.