6 de febreiro. Varios medios aseguran que o Goberno autonómico de Castela-A Mancha está a desviar pacientes que teñen que ser intervidos a clínicas privadas da Comunidade de Madrid e da Comunidade Valenciana para que sexan operados e alixeirar así as listas de espera que existen na rexión gobernada por María Dolores de Cospedal. A Consellaría de Sanidade xustifica eses traslados porque permiten aforrar diñeiro.
Luns, 27 de xaneiro: O goberno de Castela-A Mancha, presidido por María Dolores de Cospedal, terá que readmitir 500 funcionarios que despediu en agosto de 2012 dentro da súa política de recortes.
12 de xaneiro. O secretario xeral do PSOE, Alfredo Pérez Rubalcaba, criticou a “cara dura” de María Dolores de Cospedal co copagamento hospitalario porque é “dura pola mañá”, cando é secretaria xeral do PP, e “branda pola tarde”, cando exerce de presidenta de Castela-A Mancha.
12 de decembro. José Miguel Benito Notario deixou o seu cargo como secretario xeral de Sanidade de Castela-A Mancha o pasado mes de xaneiro para volver ao bufete de avogados que dirixe e fundou en Madrid. Oito semanas despois do seu cesamento, tal e como apunta a Cadena Ser, Benito Notario foi contratado pola empresa CLECE á que adxudicara contratos durante o seu cargo na administración de María Dolores de Cospedal, por valor de 36,5 millóns de euros.
28 de outubro. Na habitual rolda de prensa dos luns a secretaria xeral do PP, María Dolores de Cospedal, asegurou que o Partido Popular estivo este domingo coas vítimas do terrorismo como estivo “sempre” e por iso cualificou de “inxusto” e dunha “grande ignorancia” o apupo que recibiron membros da súa formación na concentración convocada pola AVT en protesta polo fallo do tribunal de Estrasburgo sobre a ‘doutrina Parot’.
http://www.elmundo.es/espana/2013/10/28/526e5b2568434196558b457a.html
http://politica.elpais.com/politica/2013/10/28/actualidad/1382960464_156567.html
http://www.eldiario.es/politica/Cospedal-ignorancia-insultaron-PP-AVT_0_190731345.html
http://www.publico.es/478005/cospedal-las-victimas-siempre-tienen-razon
A estas declaracións a Galega non fixo referencia.
9 de outubro. A empresa de asesoramento inmobiliario de Ignacio López del Hierro, Hilo Inversiones S. L., multiplicou os seus ingresos por 13,9 no ano 2011, data na que María Dolores de Cospedal, esposa de López del Hierro, chegou á presidencia de Castela-A Mancha, segundo informa o diario Infolibre.
O sábado 5 de outubro, nun acto sobre pensións organizado polo PP en Toledo (na comunidade de Castela a Mancha que preside María Dolores de Cospedal), prodúcese un feito moi significativo; unha xubilada critica e recrimínalle ao goberno do PP a cicatería na suba do 0’25% das pensións, co que perden poder adquisitivo.
O martes 30 de xullo, o xuiz da Audiencia nacional Pablo Ruz anuncia a citación como testemuñas da secretaria xeral do PP, María Dolores de Cospedal, e os seus antecesores, Francisco Álvarez-Cascos e Javier Arenas, pola responsabilidade que teñen ou tiveron no PP para que declaren sobre a suposta contabilidade B (en diñeiro negro) do Partido.
http://politica.elpais.com/politica/2013/04/17/actualidad/1366228089_795398.html
Denuncia da manipulación informativa na TVG 
Debe estar conectado para enviar un comentario.