21 de xaneiro. O expresidente de Caja Madrid Miguel Blesa pediu ao maxistrado da Audiencia Nacional Fernando Andreu que non incorpore á causa que investiga á directiva da entidade polas preferentes os seus correos corporativos difundidos por varios medios e redactados polo propio Blesa cando se encontraba á fronte da entidade.
23 de decembro. O secretario xudicial e o equipo de axentes da Unidade de Delincuencia Económica e Fiscal (UDEF) que rexistraron a sede central do PP durante 14 horas entre o xoves e o venres pasado requisaron 5.067 folios relacionados coa reforma das oficinas de Xénova, 13, fronte ás 520 fotocopias que a dirección do partido facilitou o pasado 10 de agosto ao xuíz da Audiencia Nacional Pablo Ruz, que investiga un suposto delito fiscal polos presuntos pagamentos en negro por esas obras.
23 de decembro. O actual ministro de Xustiza, Alberto Ruiz- Gallardón, apoiou cando era alcalde de Madrid a continuidade de Miguel Blesa en Caja Madrid e intercedeu en favor de empresarios e executivos para que obtivesen bo trato na entidade financeira.
14 de decembro. Segue a treboada informativa que xurdíu a través da publicación dos correos de Miguel Blesa, ex presidente de Caja Madrid e amigo persoal de Aznar.
Neles pódese ver os seus tratos de favor a familiares e amigos, e os enfrontamentos con Esperanza Aguirre. Tamén os seus movementos para controlar Iberia e a súa aposta por British Airways para facerse coa compañía española, que os conselleiros da caixa tiña tarxetas “en negro” ou facturas do PP.
Denuncia da manipulación informativa na TVG 
Debe estar conectado para enviar un comentario.