As denuncias sindicais contra a Consellerí​a de Sanidade, en versión “light”

O martes 15 de xaneiro, os sindicatos que convocaron a folga xeral na sanidade pública galega o pasado mes de decembro denuncian, en rolda de prensa conxunta, as “privatizacións”, a implantación dos novos “copagamentos” e a redución de persoal, que cifran nuns 1.500 profesionais.

Os representantes dos traballadores destacaron “a baixada da calidade da sanidade, o aumento das listaxes de espera pola diminución do persoal, e a derivación dos pacientes á privada coa fin de vender a sanidade pública”.

A “sospeitosa” desaparición da última frase

 

Martes, 4 de xuño: 40 alcaldes e voceiros socialistas de Lugo asinaron un manifesto para esixir a implantación de varios servizos sanitarios no HULA.

Así o redactou a delegación de Lugo:

Alcaldes e voceiros socialistas da provincia de Lugo presentaron un manifesto pra esixirlle á Xunta a posta en marcha dos servizos prometidos no Hospital Lucus Augusti. Baixo o lema “Non somos cidadáns de segunda” o presidente da Deputación deu lectura ás súas reivindicacións. Xosé Ramón Gómez Besteiro lembrou que a creación das áreas de hemodinámica, radioterapia e medicina nuclear era xa un compromiso do anterior Goberno galego.

Os socialistas pediron apoio cidadán á manifestación convocada pra este xoves por 130 colectivos pra reclamar estes servizos, que consideran prioritarios.

Así se leu no Telexornal Mediodía (son dous enlaces, xa que un é continuidade doutro. Ollo á última frase do texto dos nosos compañeiros de Lugo).

http://www.crtvg.es/informativos/socialistas-de-lugo-esixenlle-a-xunta-a-posta-en-marcha-dos-servizos-do-hospital-lucus-augusti-600581

http://www.crtvg.es/informativos/temperaturas-altas-en-toda-galicia-600580

Por que non se leu a última frase malia que a redacción permaneceu inalterada? Un misterio, pero non deixa de ser sospeitoso.

Poñemos o noso correo a diposición de todo aquel/a que dunha forma anónima e confidencial queira desentrañar este misterio: eunonmanipulo@gmail.com

Só versión oficial

4 de maio. Sanidade publica un novo modelo de prestación ortoprotésica, que implanta o reintegro como sistema de pagamento, é dicir, que o usuario deberá adiantar o importe íntegro das súas próteses ou material ortopédico.

Dase a información dende o punto de vista do Goberno galego dando a coñecer o datos positivos que ten a medida para a xestión da Xunta e non o impacto negativo que terá no usuario da sanidade pública, que é realmente o que resulta interesante para os cidadáns.

Un clásico na manipulación: as listas de espera

Así se deu na TVG a información sobre as listas de espera nos hospitais públicos de Galicia o 29 de abril:

http://www.crtvg.es/informativos/a-espera-media-para-as-operacions-mais-graves-situase-nos-18-dias-576439

Non se menciona que son case 38.000 os galegos que agardan operarse e, aínda que se dan os datos por prioridades, non se especifica que no último ano medraron todos eles (moi graves (de 16 a 19 días de espera), graves (de 63 a 68) e menos graves). A media de espera pasou de 64 a 69 días (sen contar POVISA, de 82 a 83 co centro vigués). Tampouco se menciona.

A axencia Europa Press informaba, as 14:12, antes do comezo do informativo de que ” a espera media para operarse aumenta 5 días en os hospitais do Sergas no primeiro trimestre fronte a 2012″, uns datos que tampouco se incluiron na información da Galega, nin na edición da tarde.

http://www.medicinatv.com/noticias/amp-la-espera-media-para-operarse-aumenta-5-dias-en-hospitales-del-sergas-en-el-primer-trimestre-frente-a-2012-247248

http://www.elidealgallego.com/articulo/galicia/la-espera-media-para-operarse-en-el-sergas-aumenta-en-cinco-dias-en-un-ano/20130430001314125902.html

http://www.lavozdegalicia.es/noticia/galicia/2013/04/29/espera-media-operarse-patologias-graves-sube-197-dias/00031367235704105628210.htm

http://www.farodevigo.es/galicia/2013/04/30/sanidade-atribuye-semana-santa-demora-operarse/801123.html

Ó día seguinte a mesma conselleira explicaba os datos, recoñecendo e xustificando os incrementos nos períodos de espera. Na TVG tampouco se recolleu esta información.

http://www.farodevigo.es/galicia/2013/04/30/sanidade-atribuye-semana-santa-demora-operarse/801123.html

Mesmo “indicou que o número de cirugías é similar ao doutros anos nestes tres primeiros meses e que o incremento en cinco días da demora para unha intervención cirúrxica responde á lóxica.”

http://www.abc.es/agencias/noticia.asp?noticia=1406171