12 de decembro. A Audiencia Provincial de Baleares condenou o expresidente do Govern Jaume Matas por un delito de suborno, a unha multa total de 9.000 euros e ao comiso dos 42.111 euros que recibiu como regalo a través da contratación ficticia da súa muller por parte dun coñecido hoteleiro mallorquino.
Os telexornais do 11 de decembro non recolleron as reaccións políticas suscitadas pola petición de indulto do ex presidente balear e ex ministro do PP, Jaume Matas para non entrar en prisión. O político acumula dúas condenas polo caso Palma Arena e ten pendentes numerosos procesos xudiciais.
26 de novembro. Coñecíamos a reacción de Carlos Fabra á súa condena de catro anos de cárcere. O expresidente da Deputación de Castellón , en rolda de prensa, dicía que non tiña medo a ir á cadea, que facía anos que se afeitaba.
Luns 25 de novembro. Contra o mediodía, ás doce, coñécese que Carlos Fabra acaba de ser condeado a catro anos de cárcere por defraudar case 700 mil euros, 693 mil exactamente, cartos que non declarou entre 1999 e 2003.
Martes 19 de novembro. O goberno municipal do concello de A Coruña (PP) é condenado por ocultar dúas auditorías – unha económica e outra ambiental – sobre a pranta de reciclaxe de residuos de Nostián.
14 de novembro. O Xulgado do Penal número 1 de Santiago condenou a Valentín Oubiña Mariño, concelleiro do PP da Illa de Arousa, a un ano de prisión e ao pagamento dunha multa de 19.592 euros como autor responsable dun delito de contrabando.
O ex-alcalde de Cesuras, Julián Lucas (PP), demitíu a principios do mes de maio -en pleno proceso de fusión do seu concello co de Oza dos Ríos- alegando “cansanzo” e motivos persoais.
Este martes 28 do mesmo mes, acaba de coñecerse que a súa demisión debeuse a que FOI CONDENADO POR UNHA ESTAFA INMOBILIARIA, CON SENTENZA DE 1 ANO DE PRISIÓN. Lucas e outro socio estafaron a un mozo na venda dunha vivenda, segundo o auto xudicial “CON ÁNIMO DE ILÍCITO ENRIQUECEMENTO”.
Así o destacan varios medios de comunicación:
http://www.eldiario.es/politica/alcalde-Cesuras-condenado-estafa-venta_0_136837029.html
http://ccaa.elpais.com/ccaa/2013/05/28/galicia/1369732831_722548.html
O Telexornal mediodía deste martes 28 de maio NON DA ABSOLUTAMENTE NINGUNHA INFORMACIÓN, a pesar de que o protagonista foi noticia habitual e extensa cando se negociaba a fusión de Cesuras e de Oza.
Denuncia da manipulación informativa na TVG 
Debe estar conectado para enviar un comentario.