O sábado 7 de xuño, continúan xerándose informacións sobre a grave crise que vive o goberno local do PP no concello santiagués, e sobre todo constátanse as tremendas diverxencias entre o alcalde, Ángel Currás, e os dirixentes do seu partido, nomeadamente o presidente da Xunta, Alberto Núñez Feijoo.
A opinión xeral é un clamor contra Currás, e tanto desde o PP coma desde outros partidos políticos considérase que o mellor que podería facer é dimitir, algo ao que se nega rotundamente.
.
O venres 6 de xuño, o alcalde socialista de Lugo, Xosé López Orozco, contesta con dureza ás acusacións verquidas o día anterior polo presidente da Xunta, Alberto Núñez Feijóo, cando afirmou que está mellor o concello de Santiago (sumido nunha gravísima crise institucional e política polos problemas internos do goberno local do PP) que os de Lugo e Ourense, este último tamén con rexedor socialista.
Mércores 4 de xuño. A voceira do PP de Galicia, número tres na xerarquía do partido e persoa de confianza do presidente Alberto Núñez Feijoo, Paula Prado, dimite do seu cargo orgánico pero non deixa o escano no Parlamento de Galicia.
A súa presunta relación coa operación Pokemon, cando era concelleira en Santiago, complicáballe o labor de voceira do partido do goberno galego, segundo ela mesma explicou en rolda de prensa.
O mércores 7 de maio, a Audiencia provincial da Coruña rexeita o recurso presentado polos sete concelleiros do PP de Santiago contra o seu procesamento por prevaricación, acusados de aprobar o pagamento dos gastos da defensa do seu compañeiro de partido e edil de deportes, Adrián Varela, imputado na operación Pokémon.
Dese xeito confírmase que sentarán no banco, no xuizo previsto para o vindeiro 19 de maio, seis días antes das eleccións europeas. Enfróntanse a posibles penas de nove anos de inhabilitación.
Martes, 11 de marzo. O Telexornal mediodía ofrece ata seis informacións relacionadas co concello de Ourense, tras coñecerse que os nove membros da Xunta de Goberno no ano 2008 están imputados por prevaricación.
Entre eles figuran o actual alcalde de Ourense, o socialista Agustín Fernández, e dúas das súas actuais concelleiras, ademáis do ex-alcalde, Francisco Rodríguez, que dimitíu tras a súa imputación na Pokemon.
Os problemas que arrastra Santiago por implicacións dos seus políticos do PP en casos de suposta corrupción sempre foron peor valorados polos responsables dos informativos da Televisión de Galicia que os relacionados cos concellos de Lugo e Ourense, gobernados polo PSdeG-PSOE.
Despois de que onte, día 3 de marzo, o Telexornal Serán apenas dedicase medio minuto á decisión xudicial de sentar no banquiño a sete membros do concello de Santiago, do PP, hoxe, 4 de marzo, o Telexornal Mediodía foi máis xeneroso cos tempos, pero só para darlle voz ó PP.
Desde que o sumario da operación Pokemon desvelou que Adrián Varela, concelleiro do PP en Santiago, pediu a empresa Vendex que despedira unha traballadora porque era a muller dun sindicalista que molestaba no concello, a indignación en contra deste edil non cesa.
Denuncia da manipulación informativa na TVG 
Debe estar conectado para enviar un comentario.