As sutilezas da manipulación, artigo da sección sindical da CIG na CRTVG

Seguindo coa publicación dos artigos especiais polas 100.000 visitas ao noso blog, continuamos hoxe cos textos enviados polas distintas seccións sindicais que forman parte dos comités de empresa da TVG e da Radio Galega. Hoxe corréspondelle a quenda á CIG. A orde de publicación, de maior a menor representatividade, é CUT (publicado o venres, 24), CIG (hoxe sábado), UXT (domingo, 26), USO (luns, 27), CC.OO. (martes, 28), Sindicato de Xornalistas (mércores, 29) e Alternativa Radio Galega (xoves, 30).

Denuncias do independen​tismo… non gracias

         

          20 de maio. A CIG denuncia a «excepcionalidade xurídica» á que están sometidos os independentistas galegos presos «sen celebrar xuízo dende hai un ano» e «dispersos a centos de quilómetros dos seus lugares de residencia» nun «incumprimento grave da lexislación e dos convenios internacionais asinados polo Estado español».