O mércores 2 de outubro, o Tribunal Superior de Xustiza de Galicia admite a trámite o recurso presentado polo BNG contra a fusión dos concellos de Oza e Cesuras.
Arquivo por etiquetas: Cesuras
A Xunta aproba a fusión Oza-Cesuras… pero segue a polémica
O xoves 6 de xuño, a Xunta aproba o decreto de fusión dos concellos coruñeses de Oza dos Ríos e Cesuras, e os Telexornais mediodía e serán da TVG destacan especialmente a noticia, con declaracións do presidente da Xunta que resaltan o feito TOTALMENTE EN POSITIVO:
http://www.crtvg.es/informativos/a-xunta-aproba-o-decreto-de-fusion-voluntaria-de-oza-cesuras-602034
Neste blog XA DENUNCIAMOS VARIAS VECES que o proceso desta fusión estivo salpicado de irregularidades (nunca comentadas nos Telexornais) e a oposición (de partidos e veciños) foi silenciada sistematicamente nos informativos da TVG. Lembrar que tanto en Oza como en Cesuras goberna o PP.
E para non reiterarnos no mesmo outra vez, PUBLICAMOS UN ESCRITO QUE NOS ENVÍA A CONCELLEIRA DE CESURAS EVA RODRÍGUEZ RODRÍGUEZ, SOBRE A FUSIÓN E SOBRE AS INFORMACIÓNS DOS TELEXORNAIS DESTE 6 DE XUÑO:
“Son concelleira da oposición no recén “fusionado” concello de Cesuras. Acabo de ver a emisión no telexornal da nova e ofrecedes información sesgada, enganosa e incluso mentiras !!.
A gardería non é un premio á fusión, xa estaba aprobada de antes e ademáis con financiamento estatal.
Por que non se falou nada de que un dos alcaldes, concretamente o de Cesuras, dimitíu o mes pasado tras publicarse a súa “actividade” urbanística ??. E mesmo que na semana pasada se publicou que foi condenado por estafa a un ano de cárcere e inhabilitado para sufraxio pasivo ??.
Tamén está inhabilitado para exercer cargo público o ex-alcalde de Oza Ramón Peón dende antes de que se celebraran os plenos de aprobación da fusión. Tampouco se falou nada da controversia legal respecto á necesidade de votos necesarios para a aprobación da fusión nos plenos de Cesuras e Oza…”
É o texto íntegro, transcrito literalmente, de EVA RODRÍGUEZ RODRÍGUEZ, concelleira de Cesuras.
Este blog busca eliminar por completo a manipulación informativa na TVG, pero tamén pode reflectir as distintas opinións e sensibilidades que xurdan nalgúns asuntos.
Pola importancia deste, facémonos eco do comentario da edil Eva Rodríguez (como parte interesada e coñecedora da fusión Oza – Cesuras). Se alguén -cunha responsabilidade similar á dela- está en contra do que opina, pódenos facer chegar a versión que considere oportuna.
Nesta dirección de correo podedes poñervos en contacto con nós:eunonmanipulo@gmail.com
A “extraordinaria” fusión Oza – Cesuras
O sábado 1 de xuño, os Telexornais ofrecen a información TOTALMENTE EN POSITIVO de que a fusión dos concellos de Oza dos Ríos e Cesuras podería ser inminente, coa aprobación da mesma no vindeiro consello da Xunta.
Telexornal mediodía:
Telexornal serán:
http://www.crtvg.es/informativos/a-fusion-de-oza-e-cesuras-e-inminente-598710
Só fala o alcalde de Oza, Pablo González. EVÍTASE NAS DÚAS INFORMACIÓNS ao alcalde de Cesuras, José Sánchez, que ven de substituir a Julián Lucas (este demitíu por “cansanzo”, pero acaba de coñecerse que en xullo de 2012 FOI CONDENADO A UN ANO DE CADEA POR ESTAFA A UN CLIENTE DUNHA INMOBILIARIA NA QUE ERA SOCIO).
Os Telexornais deste sábado non din ABSOLUTAMENTE NADA DESE CONFLICTO (será por iso que silencian ao novo alcalde de Cesuras ??), NIN TAMPOUCO OFRECEN NINGUNHA DECLARACIÓN DOS PARTIDOS DA OPOSICIÓN (ámbolos concellos están gobernados polo PP), cando – sobre todo en Cesuras – hai un gran rexeitamento veciñal á fusión.
Ademáis, segundo algún medio de comunicación, nestes meses HOUBO MOITAS DIFERENCIAS CON ALVAREZ-CAMPANA (o home da Deputación de A Coruña – do PP – que está xestionando a fusión)… FEITO QUE OCULTA POR COMPLETO A TVG:
Resumo: unha fusión que aínda ten moitos puntos escuros, oposición veciñal, e “salpicada” mesmo pola condena xudicial a un dos alcaldes, dase nos Telexornais do sábado 1 de xuño como un gran logro, sen ofrecer nin a máis mínima opinión crítica.
Nada sobre a condena ao ex-alcalde de Cesuras do PP
O ex-alcalde de Cesuras, Julián Lucas (PP), demitíu a principios do mes de maio -en pleno proceso de fusión do seu concello co de Oza dos Ríos- alegando “cansanzo” e motivos persoais.
Este martes 28 do mesmo mes, acaba de coñecerse que a súa demisión debeuse a que FOI CONDENADO POR UNHA ESTAFA INMOBILIARIA, CON SENTENZA DE 1 ANO DE PRISIÓN. Lucas e outro socio estafaron a un mozo na venda dunha vivenda, segundo o auto xudicial “CON ÁNIMO DE ILÍCITO ENRIQUECEMENTO”.
Así o destacan varios medios de comunicación:
http://www.eldiario.es/politica/alcalde-Cesuras-condenado-estafa-venta_0_136837029.html
http://ccaa.elpais.com/ccaa/2013/05/28/galicia/1369732831_722548.html
O Telexornal mediodía deste martes 28 de maio NON DA ABSOLUTAMENTE NINGUNHA INFORMACIÓN, a pesar de que o protagonista foi noticia habitual e extensa cando se negociaba a fusión de Cesuras e de Oza.
Dimite o Alcalde de Cesuras… e da fusión que ???
Venres 3 de maio. O alcalde de Cesuras, Julián Lucas (PP), anuncia a súa demisión por “motivos persoais”, segundo di nun comunicado.
O concello de Cesuras está inmerso nun complicado e difícil proceso de fusión con Oza dos Ríos, tamén gobernado polo PP. Numerosos veciños de Cesuras rexeitan a unión, e o mesmo alcalde Lucas chegou a recibir ameazas.
Tamén recibiron moitas críticas a Deputación da Coruña (o presidente Diego Calvo (PP) recibíu apupos en máis dunha ocasión), e a Xunta, por non ofrecer un proceso transparente e non contar coa cidadanía de Cesuras e Oza.
http://www.abc.es/local-galicia/20130503/abci-alcalde-cesuras-abandona-gobierno-201305031658.html
http://elprogreso.galiciae.com/nova/248500-alcalde-cesuras-dimite-pleno-proceso-fusion-oza
O Telexornal mediodía da TVG soamente ofrece 15 (QUINCE) segundos sobre a noticia, SEN CITAR EN NINGÚN MOMENTO QUE O PROCESO DE FUSIÓN ESTÁ PARALIZADO E ATRAVESA UNHA FASE DE GRAN INCERTIDUME. Unicamente se di que “O alcalde de Cesuras dimite por motivos persoais”…
http://www.crtvg.es/informativos/o-alcalde-de-cesuras-dimite-por-motivos-persoais-579328
Outra vez (e van…), O SILENCIO E A OCULTACIÓN en asuntos incómodos para o Partido Popular…
Denuncia da manipulación informativa na TVG 
Debe estar conectado para enviar un comentario.