As miserias de Carlos Luis Rodríguez (Foro aberto)

O programa “Foro aberto”, que presenta o nada sospeitoso Carlos Luis Rodríguez, comeza o mércores 15 de maio falando da sesión do Parlamento de Galicia celebrada ese mesmo día.

Tra-lo saúdo inicial, o presentador di textualmente: “NORMALIDADE entre comiñas (fai o xesto a cámara) no Parlamento galego: Beiras volve insultar ao presidente da Xunta” (minuto 00’17”).

No minuto 1’36”, Carlos Luis Rodríguez volve sobre o asunto dicindo: “como sempre, Beiras tivo un papel protagonista porque co micrófono pechado acusou ao presidente de ser un chulo de barra americana”… pero o que entra a continuación, É UN VIDEO DO ENFRONTAMENTO VERBAL ENTRE YOLANDA DÍAZ E FEIJOO sobre as facturas e contratos da Xunta coas empresas do narcotraficante Marcial Dorado.

Pero o máis grave ocorre no MINUTO 6’04” de programa. Falando con Carlos Aymerich sobre o caso de Beiras, CARLOS LUIS RODRÍGUEZ DI QUE… “SE CADRA TEN UN COÑECEMENTO CABAL DESE TIPO DE LOCAIS” (cita textual)… unha alusión inaxeitada, miserable e totalmente fora de lugar nun espazo informativo público da Televisión de Galicia.

http://www.crtvg.es/tvg/programas/foro-aberto

O machismo de Domingo Bello Janeiro

 

Martes 30 de maio. Emítese o programa “Foro aberto”, e preto do final, o tertuliano Domingo Bello Janeiro (Catedrático de Dereito civil na Universidade de A Coruña e encendido defensor das políticas de dereitas e, obviamente, do PP), fai a seguinte apreciación:

“… AS MULLERES HONESTAS E OS POBOS FELICES NON TEÑEN HISTORIA, TEÑEN FUTURO” (sic)

O “analista” atribúelle a frase ao poeta modernista mexicano Amado Nervo. Non está demostrado que sexa así porque hai máis versións sobre a autoría da mesma.

En todo caso, Bello Janeiro asumea sen complexos e soltaa con absoluto descaro no programa. Minuto 58’10”.

http://www.crtvg.es/tvg/a-carta/pemex-estuda-entrar-en-barreras-primeiro-de-maio-reformas-do-goberno-caso-barcenas-primarias-socialistas

Este é o tipo de comentaristas que acuden á TVG para programas de “debate”…