Arquivo por etiquetas: Beiras

A oposición, outra vez silenciada ante as críticas de Feijóo

Publicado o por

feijoo-nacho-martin-3-

 

 

Luns, 16 de xuño: O presidente da Xunta critica que se queira presentar como unha crise do sistema político o que, ao seu zuíxo, é en realdiade unha “crise das formacións políticas de esquerda e das nacionalistas, que se enmascaran presentándoa como un problema xeral”.

Seguir lendo →

As miserias de Carlos Luis Rodríguez (Foro aberto)

Publicado o por

O programa “Foro aberto”, que presenta o nada sospeitoso Carlos Luis Rodríguez, comeza o mércores 15 de maio falando da sesión do Parlamento de Galicia celebrada ese mesmo día.

Tra-lo saúdo inicial, o presentador di textualmente: “NORMALIDADE entre comiñas (fai o xesto a cámara) no Parlamento galego: Beiras volve insultar ao presidente da Xunta” (minuto 00’17”).

No minuto 1’36”, Carlos Luis Rodríguez volve sobre o asunto dicindo: “como sempre, Beiras tivo un papel protagonista porque co micrófono pechado acusou ao presidente de ser un chulo de barra americana”… pero o que entra a continuación, É UN VIDEO DO ENFRONTAMENTO VERBAL ENTRE YOLANDA DÍAZ E FEIJOO sobre as facturas e contratos da Xunta coas empresas do narcotraficante Marcial Dorado.

Pero o máis grave ocorre no MINUTO 6’04” de programa. Falando con Carlos Aymerich sobre o caso de Beiras, CARLOS LUIS RODRÍGUEZ DI QUE… “SE CADRA TEN UN COÑECEMENTO CABAL DESE TIPO DE LOCAIS” (cita textual)… unha alusión inaxeitada, miserable e totalmente fora de lugar nun espazo informativo público da Televisión de Galicia.

http://www.crtvg.es/tvg/programas/foro-aberto

“Feijóo é un narcopresidente”

Publicado o por

índice

Beiras xustifica o seu xesto de “transgresión” no Parlamento para dicirlle a Feijóo: “Vostede non é ninguén, mamarracho”. Unha información que aparece na Axencia EFE as 19:27 o 29 de abril e que se reflictíu nos xornais dixitais.

http://www.abc.es/espana/20130430/abci-beiras-punetazo-reventon-201304292137.html

http://ccaa.elpais.com/ccaa/2013/04/29/galicia/1367258177_964798.html

Despois de varios días presentando declaracións sobre a actidude de Beiras no Parlamento, do Goberno, do propio presidente da Xunta, e tamén da oposición, estas desclaracións do voceiro de AGE e principal actor da singular protesta non se recollen na Galega.

Sen criterio informativo… acoso e derribo a Beiras

Publicado o por

 

2013012316464181835

 

O sábado 27 de abril, o Tx mediodía informa da xuntanza mantida polo comité de dirección do PP de Galicia. A presentadora comeza destacando que o PP non valora a proposta socialista para que tódo-los Partidos fagan eleccións primarias, e logo, xa sobre imaxes, resalta que o Partido popular quere institucionaliza-los debates televisados (mesmo o rótulo sobreimpresionado se refire a eso).

 Pero a pesar de destacar eses aspectos, as únicas declaracións que logo se emiten son as de Alfonso Rueda PEDÍNDOLLE A BEIRAS QUE SE DISCULPE PUBLICAMENTE OU QUE DEMITA.
 É dicir, a información destaca o das Primarias e o de institucionaliza-los debates, pero logo vólvese coa teima de “criminalizar” a actitude de Beiras no Parlamento (igual que fixo o día anterior Feijoo, saindo con profusión nos Telexornais…). Só importa resalta-las liortas internas e as broncas e conflictos que afecten a membros da oposición.

Convulsión no Parlamento; sentido común na TVG

Publicado o por

A convulsa sesión parlamentaria do mércores, 24 de abril foi a noticia de portada tanto no Telexornal mediodía coma no Telexornal Serán.

índice
O tratamento que se deu á noticia foi o correcto. De sentido común. Ofreceuse primeiro a escea  entre Beiras e Feijóo tal cal sucedeu.
Despois chegaron a sucesión de reaccións. Primeiro, o cara a cara entre o presidente da Xunta e a voceira de AGE.
A continuación a reacción, nos corredores do Parlamento (un feito pouco habitual na TVG), de todos os partidos. Primeiro, por separado, o PP:
E despois os tres grupos da oposición:
Para acabar, a declaración dun voceiro do Goberno, desta volta o vicepresidente:
No Telexornal Serán calcouse o relato informativo.
En resumidas contas, un tratamento á altura do que demandaba a noticia e, sobre todo, do servizo público ao que está obrigada a televisión de tod@s s galeg@s. Desde este blog facemos votos para que se manteñan o rigor e o sentido común. Facer as cousas ben costa pouco.

Tratamento da Comparecencia de Feijoo no Parlamento sobre Marcial Dorado

Publicado o por

 O tratamento informativo no TX mediodía deste 10 de abril, sobre a comparecencia de Feijoo no Parlamento para dar detalles da súa relación con Marcial Dorado, foi completamente tendencioso e cunha desproporción absoluta no tempo adicado ao goberno e ao PP, e aos partidos da oposición.
Neste primeiro video só se ofrece a intervención de Feijoo (1 minuto e 8 segundos), destacando que a meirande parte de contratos coa empresa de Dorado fixoa o bipartito (por certo, recoñecendo que tamén houbo contratos nos gobernos de Fraga…).
No segundo video, dase a intervención do BNG (só 19 segundos de Jorquera falando de mortos pola droga) e logo a contestación de Feijoo (27 segundos) relacionando ao BNG co terrorismo.
 A continuación emítese un video de case 50 segundos, adicado soamente ao que chaman “interrupcións” de Beiras e Jorquera na sesión, cun rótulo sobre as imaxes que di textualmente: “Beiras e Jorquera interrompen a comparecencia”, e escoitándose claramente as chamadas de atención da presidenta da Cámara a ámbolos. É unha clara intención de descalificar a eses deputados de AGE e BNG, dándolle especial relevancia á información, que se emite antes das intervencións de AGE, PS de G-PSOE e PP.
E de seguido, dase o video da intervención de Beiras por AGE… cando se derruba emocionalmente e mesmo chora polo “noxo” que lle da esta Xunta… Só se dan 20 segundos de Beiras. Logo ofrécese a contestación de Feijoo (35 segundos) que … presume de ser de aldea e ironiza con que nunca tivo piano nin estudou na Sorbona (en alusión ao propio Beiras).
Despois chega o tempo para o PS de G-PSOE, no que se ofrece brevemente a intervención de Pachi Vázquez, e logo a contestación de Feijoo (31 segundos) na que insinúa que Vázquez o visitou para pactar silencios sobre a operación Campeón, onde hai imputados de ámbolos partidos. Esta xuntanza desmentiuna o secretario xeral dos socialistas que afirmou que a Xunta non quixo achegar datos sobre as subvencións ás empresas de Dorado.
E finalmente, dase a intervención de Puy (PP), que en 49 segundos eloxia e bota frores a Feijoo persoal e politicamente, dicindo que o Partido e a xente galega “de ben” está con é. Omitiuse a frase do voceiro do PP na que dixo textualmente que “Feijóo foi utilizado por narcotraficantes para lexitimarse”.
Resumindo: fíxose unha información totalmente favorable ao PP e a Feijoo, onde o de menos foi a relación que mantivo con Marcial Dorado. A TVG descalificou totalmente aos membros de BNG e AGE, e tentou (unha vez máis) relacionar ao PS de G-PSOE con casos de corrupción. E sumando os tempos que lle adicaron ás intervencións… é escandalosa a diferenza a prol do PP.

Patrimonio de Louzán e de AGE

Publicado o por
Louzan
O mesmo día que se coñece a declaración de bens de Diego Calvo, presidente da Deputación da Coruña, algúns medios destacan que o único alto cargo do PP que aínda queda por publicalos é o presidente da Deputación de Pontevedra, Rafael Louzán.
AGE
 Os Telexornais non emiten nada sobre ese particular, pero o TX serán da un video no que se fala das declaracións patrimoniais feitas por deputados de AGE, que RESALTA sobre todo que aínda non o fixo Xosé Manuel Beiras. Toda a noticia dase cun printer (rótulo – comentario) no que se di que os de AGE “están hipotecados”, en vez de dicir, por exemplo, que “teñen hipotecas” ou “préstamos hipotecarios”… e péchase a información dicindo (dato irrelevante para o asunto que se trata) que un dos deputados desa formación declara como estado civil, que está “arrimado”…