Sábado, 26 de xullo: As vítimas do accidente de tren en Angrois e os seus familiares acusan ao presidente da Xunta de sufrir o día anterior unha “afrenta”. Indícanlle a Feijóo que “o pobo galego, os españois de ben e toda a Humanidade” lle agradecerían que marchara.
20 de xaneiro. A Asociación Plataforma Vítimas Alvia 04155 reclamou que se cre unha Comisión de Investigación no Parlamento para que se “depuren todas as responsabilidades políticas” relacionadas co sinistro. Nun comunicado, a asociación acusou a Renfe e Adif de “mentir” e de “ocultar información” á xustiza, ao tempo que consideraron que, a raíz do informe sobre seguridade incorporado á causa, “o accidente podería terse evitado”.
Este martes 17 de decembro, unha concentración en Madrid da plataforma das vítimas do accidente de tren de Angrois solicita a creación dunha comisión de investigación parlamentaria, tanto no Congreso dos deputados coma no Parlamento de Galicia.
O 13 de decembro, numerosos medios de comunicación destacan as críticas dos sindicatos policiais pola concesión de medallas -e complementos económicos- para determinados axentes e mandos tralo accidente de tren ocorrido en xullo en Santiago.
29 de outubro. O PPdeG volveu rexeitar cos seus votos a petición e AGE e BNG de creación dunha comisión de investigación sobre o accidente de tren do pasado 24 de xullo en Angrois, onde morreron 79 persoas, ao alegar que o Parlamento galego “non” ten competencia” para iso, senón que a rede ferroviaria depende do Ministerio de Fomento. Pola súa banda, os socialistas manteñen a súa postura de absterse neste debate.
Denuncia da manipulación informativa na TVG 
Debe estar conectado para enviar un comentario.