Os presuntos casos de corrupción política que investiga a xustiza en Galicia seguiron sendo noticia esta fin de semana. Pero nos telexornais observamos un gran desequilibrio e parcialidade á hora de tratar un ou outro asunto.
Sobre o presunto financiamento ilícito do PP de Ourense só escoitamos no Telexornal Mediodía do sábado unha declaración de José Manuel Baltar.
Aos rexistros na Deputación de Lugo o mesmo informativo adicoulle catro minutos de información, incluídas declaracións de voceiros do BNG, do PSdeG e do alcalde de Lugo.
http://www.crtvg.es/informativos/psdeg-e-bng-ofrecen-colaboracion-coa-xustiza-936329
A TVG tiña declaracións de Méndez Romeu e de Vence sobre o presunto financiamento ilegal do PP de Ourense; pero os telespectadores tiveron que esperar ao telexornal da noite para enterarse, iso sí, cunha breve referencia sobre imaxes que non incluía ningunha das declaracións da oposición en viva voz pedindo a comparecencia de Núñez Feijóo sobre este asunto.
O tratamento do papel da oposición política non resiste unha comparación co publicado por outros medios de comunicación.
O domingo os telexornais inclúen as últimas novidades sobre os rexistros na Deputación de Lugo.
http://www.crtvg.es/informativos/a-udef-analiza-a-documentacion-da-deputacion-de-lugo-936469 /
Pero, outra vez, no capítulo de declaracións só fala o Partido Popular.
Inclúen unhas declaracións de Alfonso Rueda criticando a actitude do líder dos socialistas galegos ante a corrupción no seu partido. Da investigación sobre o PP de Ourense, nin palabra.
Denuncia da manipulación informativa na TVG 