O politólogo e escritor galego Antón Losada presentou a principios de semana o seu novo libro “Código Mariano. Desmontando a Mariano Rajoy”.
O autor define ao actual presidente do Goberno como, probablemente, un dos políticos máis enigmáticos de toda a historia da democracia. O libro está dividido en 5 grandes bloques: A vida de Mariano, O partido segundo Mariano, A política segundo Mariano, O Goberno segundo Mariano e O Marianismo segundo Mariano.
Pois ben, ningún Telexornal da TVG ofreceu unha mísera reseña sobre o libro.
Non sería denunciable senón fose por que hai dúas semanas, os telexornais da TVG lanzaron unha auténtica ofensiva a favor do libro “La cara oculta de Pablo Iglesias”, do tamén xornalista galego Enrique Riobóo. Os tres telexornais falaron ese día do libro, algo que cremos que é inédito na historia da TVG.
O libro máis promocionado da historia dos telexornais !!!. Así o denunciou no seu día Eunonmanipulo:
De novo quedan en evidencia os responsables de informativos da TVG: o criterio para informar sobre a presentación dun dos libros, evidentemente, non é xornalístico. Eles saberán.
P.D.: A TVG nin sequera ten o detalle de darlle publicidade a un colaborador: Antón Losada é contertulio de Foro Aberto.
Denuncia da manipulación informativa na TVG 