Pero non pediron a dimisión da Conselleira ???

              O venres 31, a Conselleira de Traballo e Benestar, Beatriz Mato, acode á comisión de presupostos do Parlamento para explicar as contas do seu departamento para 2015.

               Pero como era de agardar, a Mato chovéronlle as críticas da oposición pedíndolle explicacións tralas revelacións do sumario da “operación Zeta”, a presunta trama de fraude de contratos e subvencións para a formación procedentes disa Consellería.

               Mesmo desde AGE e o BNG, pediron a súa dimisión, ao considerar que está directamente implicada na posible corrupción.

             Así o reflectíron numerosos medios de comunicación:

http://www.lavozdegalicia.es/noticia/galicia/2014/10/31/beatriz-mato-descarta-dimitir-cursos-formacion/00031414753850295989440.htm

http://www.farodevigo.es/galicia/2014/10/31/beatriz-mato-defiende-hay-razon/1122998.html

http://www.eldiario.es/galicia/conselleira-Traballo-Zeta-oposicion-pedirselo_0_319518902.html

http://www.laopinioncoruna.es/galicia/2014/10/31/mato-afirma-hay-razon-haga/894464.html

http://elprogreso.galiciae.com/nova/369218-beatriz-mato-asegura-hay-razon-haga-pensar-siquiera-dimitir

          Pero o Telexornal mediodía da TVG só ofrece as declaracións da Conselleira defendéndose das acusacións. Non se da nada das intervencións dos partidos da oposición:

http://www.crtvg.es/informativos/a-conselleira-de-traballo-volve-defender-esta-mana-a-actuacion-da-xunta-no-caso-da-fraude-dos-cursos-de-formacion-920229

          E, para botar terra sobre o asunto – outro dos costumes dos responsables de informattivos en asuntos incómodos para o PP – o Telexornal serán non ofrece nin a máis mínima referencia ao asunto…

           Iso si, danse dúas novas alusivas a dous alcaldes galegos (un do BNG e outro do PS de G-PSOE), que por distintos motivos non se presentarán á reelección, en Monforte e Castro Caldelas, respectivamente:

http://www.crtvg.es/informativos/severino-rodriguez-non-se-presentara-a-reeleccion-en-monforte-921186

http://www.crtvg.es/informativos/o-alcalde-de-castro-caldelas-renuncia-por-motivos-persoais-tras-27-anos-no-cargo-921185

 

           É dicir, manipulación descarada ao mediodía, ocultando as críticas e as peticións da oposición para que dimita a Conselleira Mato, e ocultación non menos descarada pola noite, dun asunto que está a ter unha enorme repercusión na opinión pública, e que volve sacar á luz supostos manexos e corruptelas de empresarios ligados co Partido Popular e algún dos seus cargos.