As contas do PP que pide a xuiza… daquela maneira

              O venres 12 de setembro a xuiza Pilar de Lara, que instrúe a chamada “operación Pokémon” por suposta corrupción, emite un auto polo que solicita a contabilidade do PP na Coruña, Lugo, Ourense, Santiago e Ferrol.

             A xuiza pide os xustificantes documentais ao observar que cantidades de diñeiro entregadas en maio e xuño de 2011 polo delegado de Véndex en Galicia – José María Tutor – foron, presuntamente, a distintas persoas relacionadas co PP.

               A noticia ten ampla repercusión nos medios:

http://www.abc.es/local-galicia/20140912/abci-pokemon-contabilidad-201409122259.html

http://www.lavozdegalicia.es/noticia/galicia/2014/09/13/lara-pide-pp-cinco-ciudades-contabilidad-dos-meses/0003_201409G13P4993.htm

http://www.laopinioncoruna.es/galicia/2014/09/13/magistrada-instruye-pokemon-reclama-documentacion/878409.html

http://ccaa.elpais.com/ccaa/2014/09/13/galicia/1410636032_897877.html

http://esradio.libertaddigital.com/galicia/2014-09-13/de-lara-pide-las-cuentas-del-pp-de-coruna-lugo-orense-ferrol-y-santiago-1276528172/

http://elprogreso.galiciae.com/nova/358326-jueza-lara-pide-contabilidad-pp-lugo-coruna-santiago-ferrol-ourense

http://www.noticiasgalicia.com/index.php/ng-politica/8331/la-jueza-pilar-de-lara-pide-la-contabilidad-del-pp-en-cinco-ciudades-gallegas

http://www.20minutos.es/noticia/2236956/0/jueza-pide-contabilidad-ingresos-gastos-pp-cinco-ciudades-galicia/

               A TVG “despacha” o asunto en apenas uns segundos no Telexornal mediodía do sábado 13:

http://www.crtvg.es/informativos/pilar-de-lara-reclama-a-contabilidade-do-pp-na-coruna-ferrol-lugo-ourense-e-santiago-889634

 

               E a noticia “desaparece por completo” no Telexornal serán… aínda que si se repite, por exemplo, a información de que “os populares coruñeses abren formalmente o curso político”:

http://www.crtvg.es/informativos/os-populares-coruneses-abren-formalmente-o-curso-politico-889694

 

                   Volvendo ao asunto das contas do PP, curiosamente só se ofrecen imaxes da xuiza Pilar de Lara entrando no xulgado, e do propio edificio. Nin un só rótulo dos que sempre se poñen para complementar a información, nin unha soa imaxe de sedes do PP nas cidades onde se investiga…  e moito menos do presidente do PP de Lugo e voceiro no Senado, José Manuel Barreiro, do que de Lara enviou ao Tribunal Supremo diversas gravacións para que este decida se é imputado polo presunto cobro de 5.000 euros procedentes de Véndex.

                  As imaxes emitidas para ilustrar a noticia (de de Lara e o edificio dos xulgados de Lugo) son as mesmas que se puxeron no Telexornal serán do venres 12 para falar de que a xuiza reclamaba a listaxe de chamadas telefónicas do primeiro tenente de alcalde da Coruña, Julio Flores – do PP -; da sede do PP en Ferrol, e dun achegado a este partido, tamén en Ferrol. As chamadas foron realizadas entre maio e xullo de 2011:

http://www.crtvg.es/informativos/a-xuiza-da-pokemon-reclama-facturas-telefonicas-do-pp-de-ferrol-e-do-tenente-de-alcalde-da-coruna-889496

                  Igual descubrimos outra maneira de manipular a cargo dos responsables de informativos da TVG: non dar nin imaxes nin rótulos alusivos a noticias negativas para persoas e/ou institucións do PP…