O sábado 7 de xuño, continúan xerándose informacións sobre a grave crise que vive o goberno local do PP no concello santiagués, e sobre todo constátanse as tremendas diverxencias entre o alcalde, Ángel Currás, e os dirixentes do seu partido, nomeadamente o presidente da Xunta, Alberto Núñez Feijoo.
A opinión xeral é un clamor contra Currás, e tanto desde o PP coma desde outros partidos políticos considérase que o mellor que podería facer é dimitir, algo ao que se nega rotundamente.
Os informativos da TVG deste sábado non comentan absolutamente nada deses “detalles”. Tamén segue “desaparecida” a opinión da oposición no concello, e xamáis se fai unha enquisa ou sondaxe entre a cidadanía compostelá para que fale da situación…
Os telexornais só se limitan a ofrecer 9 segundos !!!!! dunha breve declaración de Feijoo; solicitado polos xornalistas sobre o novo equipo de concelleiros previsto para a cidade, o presidente da Xunta e do PP de Galicia responde cun lacónico e frío “pregúntelle ao alcalde”.
Este é o tratamento informativo da TVG nos dous telexornais do sábado:
No Telexornal mediodía: http://www.crtvg.es/informativos/feijoo-garantirase-a-gobernabilidade-de-santiago-830478
E no Telexornal serán: http://www.crtvg.es/informativos/feijoo-garantirase-a-gobernabilidade-de-santiago-830527
Informacións – mellor dito, información, porque se repite pola tarde a do mediodía – insignificantes para unha noticia tan relevante: a enorme crise que vive o concello da capital de Galicia.
Pódese pensar que había outras noticias máis sobresaíntes, pero o informativo do mediodía ábrese con dous asuntos internacionais: Ucraína e… o asalto a unha universidade iraquí por parte de xihaidistas… Vaia criterio xornalístico !!!!:
http://www.crtvg.es/informativos/o-novo-presidente-de-ucraina-quere-integrarse-na-ue-830480
E no telexornal serán, o de Santiago vai en 14º lugar… detrás – por exemplo – da noticia da morte dun home en Marín en accidente de tráfico… !!!:
http://www.crtvg.es/informativos/morre-un-home-de-40-anos-nun-accidente-de-trafico-en-marin-830531
A TVG silencia e oculta dun xeito lamentable todo o que rodea a situación que vive o goberno municipal do PP en Santiago. Contrasta co tratamento e minuciosidade que aportan outros medios de comunicación. Velaiquí algúns exemplos:
http://praza.com/politica/7319/gobernar-santiago-sen-que-se-note/
http://ccaa.elpais.com/ccaa/2014/06/05/galicia/1401973283_001895.html
9 segundos para seguir analizando a maior crise vivida no concello de Santiago !!!!!. Unha vez máis, todo un exemplo de honestidade e información veraz e plural por parte dos responsables de informativos da TVG. Cando se darán conta do ridículo que están a facer !!!!!.
Denuncia da manipulación informativa na TVG 