En apenas 24 horas, dúas noticias moi similares saltan do segredo sumarial da operación Pokemon á actualidade informativa. A TVG non lles deu o mesmo tratamento malia que a única diferenza é a militancia política dos seus protagonistas. Ou se cadra por iso mesmo.
O martes, a primeira hora da tarde, coñécese que a xuíza que instrúe o caso Pokemon abre unha peza separada sobre a voceira do PP, Paula Prado, que oportunamente conta o Telexornal Mediodía. Con máis tempo, o Telexornal Serán adícalle 18 segundos!!!! nun video no que se mestura con outras novidades dos novos tomos entregados pola xuíza. Non se menciona, por certo, a suposta factura inflada que lle pasou ao concello de Santiago por un espectáculo chamado La abeja Maya
Ao día seguinte, o Telexornal Serán adícalle 1 minuto e 26 segundos á nova sobre a apertura doutra peza separada para investigar ao secretario xeral do PSdeG-PSOE, Xosé Ramón Gómez Besteiro. É dicir case cinco veces máis que o día anterior a Paula Prado!!!!
Outra diferenza é que mentres a información sobre a voceira do PPdeG vai mesturada con outras, a do secretario xeral do PSdeG-PSOE ocupa toda unha peza do informativo.
O mércores, a nova de Paula Prado desaparece dos Telexornais. Só se ofrece a declaración de Agustín Hernández, vicesecretario xeral do PPdeG.
Estas son outras reaccións que a TVG preferiu silenciar:
Ángel Currás, alcalde de Santiago: “Se a xuíza abriu unha peza separada sobre Paula Prado, terá motivos para facelo”
Xosé Manuel Beiras, voceiro parlamentario de AGE: “Algo cheira a podre no Estado cando un partido que está podre por todas as partes (…) ten algo máis do 5 % de intención de voto”
Xavier Vence, voceiro nacional do BNG: “A vaga de corrupción fede ata tal punto que é insoportable”
Unha vez mais o distinto criterio informativo. Dúas noticias similares, dous tratamentos informativos distintos. Como non se vai pensar mal?
Denuncia da manipulación informativa na TVG 