Televisión de Galicia apresurouse hoxe, mércores 21 de maio, a infomar de que Arias Cañete, cabeza de lista do PP ás eleccións europeas, pedía disculpas a Elena Valenciano, candidata socialista, polas súas delcaracións machistas do pasado venres.
O Telexornal Mediodía, que en todos estes días, como xa informamos neste blog, obviou por completo as reaccións que suscitaron as palabras do político popular, abriu hoxe a información electoral coas disculpas. Pero, sempre hai algún pero, sen facer alusión a que chegan cinco días tarde.
Sí destacan a tardanza do candidato do PP a maioría dos medios.
Tampouco menciona o Telexornal Mediodía a resposta de Valenciano, que acepta as disculpas, aínda que apuntilla que o que importa é o que Cañete pensa, non o que di.
A resposta da candidata socialista si se recolleu na portada da páxina web da canle autonómica, que publicaba as disculpas de Cañete aos poucos minutos de coñecerse malia que en todos estes días non se emitiron en TVG nin as propias declaracións do político cando achacou as súas declaracións ao cansanzo.
Denuncia da manipulación informativa na TVG 