E as duras críticas do alcalde de Muras (PP) á dirección do partido en Galicia?

Xoves 13 de marzo. O alcalde do concello lugués de Muras, Issam Alnagm, do PP, fai unhas duras e sorprendentes declaracións contra o seu propio partido. Fixoo en Lugo, onde acudíu a declarar como imputado pola trama das multas de tráfico que investiga un xulgado lugués.

Alnagm, de orixe siria e un dos máis veteranos alcaldes do PP en Galicia, declárase “fraguista” e di que “o PP é de Fraga, non desta xente que o ten secuestrado”. Tamén engade que os actuais dirixentes do PP en Galicia son uns “yeyés”, e que “xa botaron a Cacharro e a moitos fraguistas… e non van botar a máis”.

Entre outras cousas, o alcalde de Muras di que, se o expulsan do PP, lle farán un gran favor.

Así reflicten e destacan a noticia os medios de comunicación:

http://www.elcorreogallego.es/galicia/ecg/alcalde-muras-advierte-pp-no-va-echar-fraguistas/idEdicion-2014-03-13/idNoticia-857659/

http://www.lavozdegalicia.es/noticia/lugo/2014/03/13/alcalde-muras-espiritu-fraga-pp-yeyes/00031394701149361794836.htm

http://elprogreso.galiciae.com/nova/317279-issam-alnagm-verdadero-pp-fraga-yeyes

http://ccaa.elpais.com/ccaa/2014/03/13/galicia/1394708608_162774.html

http://www.20minutos.es/noticia/2083844/0/

Pero os informativos da TVG ocúpanse unicamente do caso da trama das multas de tráfico, e dentro da noticia dan as declaracións máis xenéricas de Alnagm dicindo que “falou para mostrar o seu descontento coa clase política”, e cando critica por igual a PP, PSOE e BNG. Así se emitíu no Telexornal mediodía:

http://www.crtvg.es/informativos/varios-altos-cargos-entre-os-24-imputados-na-trama-das-multas-770607

Nada sobre as duras críticas á dirección do PP en Galicia, o seu propio partido. Sen embargo, fíxense nunha “pequena” curiosidade: ao redor dos 00′ 30″ da información, un dos rótulos de noticias que se emiten na parte inferior das imaxes, di que o alcalde de Muras “ataca a dirección do PPdeG”, textualmente. Inexplicable que se aluda as críticas nun simple rótulo uns segundos, pero non na noticia.

Pola tarde, o Telexornal serán repite a “xogada”. Céntranse na trama das multas de tráfico, din que o alcalde de Muras amosou o seu descontento coa clase política, e póñense as mesmas declaracións xenéricas do mediodía:

http://www.crtvg.es/informativos/a-fiscalia-abre-a-posibilidade-de-acordos-puntuais-no-caso-das-multas-771135

Outra vergoña desinformativa d@s responsables de informativos da TVG. Nin unha soa mención ás críticas dun dos máis emblemáticos alcaldes do PP ao seu propio partido.