Xoves, 27 de febreiro: o pleno do concello de Santiago impide, pola maioría absoluta do PP, a convocatoria dun pleno extraordinario para debater sobre a operación Pokemón, na que están implicados tres concelleiros do Partido Popular e un do Partido Socialista.
A proposta, plantexada polo BNG, pasaba por abordar nun pleno extraordinario o que a formación nacionalista considera “o maior escándalo institucional de Santiago”. No debate, a voceira do Partido Popular dixo que non podía crer que se pedise debater sobre “opinións ou chismes que saen nos medios”.
A información aparece así nalgúns medios:
http://www.galiciae.com/nova/314219.html
A TVG non fai ningunha referencia ao debate no Telexornal Serán do xoves.
En cambio, si informa da celebración do pleno do concello do Carballiño no que se pedía a demisión do alcalde, Argimiro Marnotes (PP). A noticia xurdiu cando o alcalde leu as partes do sumario da Pokemon nas que se fai referencia a supostos pagamentos de Aquagest a Pachi Vázquez (PSOE). E a TVG estaba alí.
Tamén a TVG estaba no concello de Vigo, como é a nosa obriga, cando no pasado día 24 o grupo municipal do BNG lle pediu información ao alcalde sobre os rexistros policial no concello no marco da operación Patos.
Como se ve o criterio informativo para falar dos plenos municipais que debaten os casos de corrupción é variable
Denuncia da manipulación informativa na TVG 