Flores de qué partido é?

24 de xaneiro. O tenente de alcalde e voceiro do Concello da Coruña, Julio Flores do Partido Popular, imputado na rama ‘Pikachu’ da ‘Operación Pokémon’, declara nos xulgados de Lugo   durante dúas horas e media.

Os apupos a Blesa…. mellor poucos

24 de xaneiro. Un grupo de preferentistas intentou agredir a Miguel Blesa á súa saída dos xulgados de Praza de Castela. Con berros e empurróns pedíronlle que lles devolva o seu diñeiro. O expresidente de Caixa Madrid tivo que ser escoltado por antidisturbios.

Europa quítalle 1,3 millóns de euros ao Estado polo fraude da Deputación de Ourense

24 de xaneiro. A Comisión Europea deduciu dos fondos comunitarios de España 1,3 millóns de euros en axudas que a Unión Europea concedera á deputación de Ourense para seis proxectos en cuxa xestión se descubriron irregularidades.

Concelleiro do PP na Lama marcha e segue no seu cargo

22 de xaneiro, O alcalde da Lama, o popular Jorge Canda, apoia a o seu principal colaborador e tenente de alcalde, Juan Carlos Piñeiro, quen marchou a México a traballar sen previamente renunciar ao seu cargo de concelleiro.

O xuíz Castro, o caso Noós, Gallardón, Lissavetzky e Montilla caben nun titular

22 de xaneiro. O novo episodio do procesalmente longo caso Noós leva no título o nome do actual misistro de Xustiza, Alberto Ruíz Gallardón.

Xa tardades, artigo da sección sindical da CUT na CRTVG

Seguindo coa publicación dos artigos especiais polas 100.000 visitas ao noso blog, iniciamos hoxe a dos textos enviados polas distintas seccións sindicais que forman parte dos comités de empresa da TVG e da Radio Galega. A orde de publicación, de maior a menor representatividade, é CUT (venres, 24), CIG (sábado, 25), UXT (domingo, 26), USO (luns, 27), CC.OO. (martes, 28), Sindicato de Xornalistas (mércores, 29) e Alternativa Radio Galega (xoves, 30).