Logo de coñecerse un documento de hai ano e medio do xefe de maquinistas de Ourense que advertía das deficiencias de seguridade na curva de Angrois, os Telexornais da TVG informan da decisión xudicial de darlle a Renfe tres días para que clarexe as medidas adoptadas tras aquel informe.
O Telexornal mediodía tamén ofrece declaracións do avogado do maquinista, sinalando que ao coñecerse este documento, a investigación pode dar un volco considerable e exculpar ao seu defendido.
Iso si, as informacións – a pesar da súa importancia – danse moi avanzado o espazo, cando xa vai máis de media hora de programa:
Pero despois da repercusión que crea a existencia dese informe sobre a perigosidade do tramo de Angrois, en Galicia tanto AGE coma o BNG volven solicitar a creación dunha comisión de investigación no Parlamento galego, que depure responsabilidades políticas:
Estas solicitudes dos grupos de AGE e BNG – lembren que teñen representación no Parlamento de Galicia – non aparecen en ningún Telexornal.
Denuncia da manipulación informativa na TVG 