Nada sobre a diminución das rendas en Galicia

             O luns 16 de decembro divúlgase que a renda de Galicia, segundo datos da Unión europea, retrocede ao nivel no que estaba seis anos atrás. É dicir, o poder adquisitivo dos galegos e galegas reducíuse notablemente e sitúase como en  2007.

           É un dato negativo, que recolle o principal xornal de Galicia dun xeito destacado:

http://www.lavozdegalicia.es/noticia/economia/2013/12/16/renta-gallega-retrocede-6-anos-aleja-media-ue/0003_201312G16P22994.htm

           Pero os Telexornais da TVG do mesmo luns non ofrecen absolutamente nada do asunto.

           Ese silenciamento dunha noticia relevante en Galicia – aínda que negativa – contrasta co que se fai habitualmente con outras máis “positivas”.

           Citamos só tres exemplos ocorridos nos últimos días.O primeiro no Telexornal mediodía do mesmo 16 de decembro, sobre a reducción da morosidade no comercio en Galicia:

http://www.crtvg.es/informativos/baixan-a-metade-as-faltas-de-pagamento-no-comercio-en-galicia-en-outubro-con-respecto-ao-mesmo-mes-do-2012-716710

           Tamén no Telexornal mediodía, neste caso o venres 13, destácase que a débeda pública baixa en Galicia:

http://www.crtvg.es/informativos/a-debeda-publica-marca-un-novo-record-e-en-galicia-baixa-por-segundo-trimestre-715562

           E o mércores 11, no Bós días, ofrécese outra nova “en positivo” sobre a comercialización dun fármaco contra a esclerose múltiple:

http://www.crtvg.es/informativos/a-sanidade-galega-e-a-terceira-de-espana-en-comercializar-un-farmaco-contra-a-esclerose-multiple-713669

           Son só algúns exemplos. Pero cando as noticias son malas e/ou negativas para Galicia (o que soe asociarse á mala xestión da Xunta do PP), os responsables de informativos da TVG optan pola ocultación.