Xoves, 21 de novembro. Primeiras declaracións do alcalde de Santiago, Angel Currás, tras a súa nova imputación, desta volta por acosar un cargo policial.
A Televisión de Galicia, que informara brevemente da imputación o día anterior, non ofreceu nin as palabras do alcalde, nin as dos voceiros da oposición en ningún dos Telexornais do xoves. Só o fixo o informativo local de Santiago das 20’20 h. da tarde.
Tamén o presidente da Xunta falou na súa comparecencia habitual dos xoves da situación xudicial dos concelleiros do seu partido na capital de Galicia. Unha vez máis, a TVG decidiu obviar estas declaracións de Núñez Feijóo.
O cativeiro tratamento informativo da nova imputación do alcalde de Santiago contrasta co alarde realizado con motivo das denuncias do ex alcalde de Vigo, Carlos Príncipe, sobre supostos casos de nepotismo no concello vigués, e o que se realizou coa denuncia contra a deputada socialista Beatriz Sestayo.
Fagamos un pouco de memoria. Centrémonos nas denuncias de Carlos Príncipe.
A denuncia de Príncipe saltou o día 12. Os telexornais fixéronse eco da mesma:
O 13 de novembro, os telexornais recollen unhas declaracións de Gómez Besteiro, secretario xeral do PSdeG, sobre as acusacións do ex alcalde socialista.
Ese mesmo día recolléronse as impresións do actual alcalde de Vigo e de dous membros da oposición municipal (PP e BNG):
O 18 de novembro, a TVG informa sobre a solicitude de investigación do sector crítico do PSdeG vigués:
Como se observa a diferencia entre o tratamento dunha e doutra nova é significativa. E xa non digamos no caso da deputada Sestayo. A razón está sen dúbida no carnet de afiliado de cada un dos protagonistas.
Denuncia da manipulación informativa na TVG 