Ignorando o malestar e as protestas contra SOGAMA

                O martes 19 de novembro coñécese a noticia de que preto de cen concellos de Galicia (ningún do PP) preparan unha dura estratexia conxunta para combater o incremento dun 34% decidido pola Xunta no cobro polo tratamento dos residuos na pranta de SOGAMA.

            Nunha xuntanza celebrada en Santiago por numerosos alcaldes galegos, decidiron non pagar o canon a SOGAMA se o presidente da Xunta evita dialogar con eles, e acordaron pedir a dimisión do presidente disa empresa pública galega, Luis Lamas, polas súas declaracións contra os concellos

Os responsables municipais mesmo contemplan levar a cabo unha concentración ou peche na Xunta para mostrar o rexeitamento contra a suba da factura de SOGAMA, e ameazan con non pagar a partir do 1 de xaneiro.

http://www.lavozdegalicia.es/noticia/galicia/2013/11/19/noventa-alcaldes-deciden-pagar-sogama-sube-canon/0003_201311G19P6998.htm

http://www.elcorreogallego.es/galicia/ecg/alcaldes-subida-sogama-amenazan-encierros/idEdicion-2013-11-19/idNoticia-837988/

http://www.abc.es/agencias/noticia.asp?noticia=1535522

http://www.eldiario.es/galicia/centenar-alcaldes-basura-decidida-Feijoo_0_198430847.html

       A pesar da relevancia da noticia, a TVG non informa nada sobre o asunto.

         E tampouco se emite nada sobre a petición feita polo propio secretario xeral do PS de G-PSOE para coñecer as contas de SOGAMA, cando outros medios si a divulgan:

http://radiolugo.info/el-secretario-xeral-del-psdeg-quiere-saber-como-estan-las-cuentas-de-sogama/

http://www.elcorreogallego.es/vivir-hoxe-galicia/ecg/besteiro-pide-as-contas-de-sogama/idEdicion-2013-11-19/idNoticia-838049/

http://www.lavozdegalicia.es/noticia/lugo/2013/11/19/besteiro-apela-consenso-cambiar-ley-electoral/00031384862358878877919.htm

                Pero a TVG si ofrece de xeito destacado no Telexornal mediodía – con declaracións do secretario xeral, Xosé Manuel Balseiro – a crítica do PP de Lugo ao plan de emprego proposto pola Deputación luguesa (que como xa saben, preside o socialista Xosé Ramón Gómez Besteiro…):

http://www.crtvg.es/informativos/o-pp-de-lugo-denuncia-que-o-plan-de-emprego-da-deputacion-so-beneficiara-a-1-de-cada-10-parados-701556

         Resulta inconcebible que non se ofreza ningunha información sobre a protesta de numerosos concellos galegos contra a suba de SOGAMA (igual é porque ningún deles está gobernado polo PP), mentres si se dan outras noticias -como a citada do PP de Lugo- moito menos importantes.