Creando conflito entre a esquerda galeguista

 

O domingo 10 de novembro, os informativos da TVG ofrecen unha mostra máis de partidismo e manipulación no tratamento das noticias.

O Telexornal mediodía emite unhas declaracións do voceiro parlamentario do BNG, Francisco Jorquera, feitas na Radio galega, seica para “XUSTIFICAR” a alianza de cara ás eleccións europeas con Amaiur e ERC, case como culpabilizando xa de antemán ao Bloque por ir a eses comicios en coalición cos nacionalistas vascos e cataláns:

http://www.crtvg.es/informativos/jorquera-xustifica-a-alianza-con-amaiur-e-erc-para-concorrer-as-eleccions-europeas-696935

Pero ese mesmo día, pola tarde no Telexornal serán, os responsables cambian a estratexia “ofensiva”; emiten un inserto (declaración) do propio Jorquera que nada ten que ver co do mediodía. Nesta ocasión inclúese o momento no que o voceiro parlamentario do BNG lle pide a AGE “reflexión” pola situación do deputado Fernández Calviño:

http://www.crtvg.es/informativos/jorquera-pidelle-a-age-que-reflexione-sobre-a-situacion-do-deputado-fernandez-calvino-696993

 

 E “aproveitando que o Pisuerga pasa por Valladolid”, o mesmo Telexornal serán emite de seguido a opinión de Compromiso por Galicia sobre o asunto, xerando máis polémica ao redor do deputado de AGE:

http://www.crtvg.es/informativos/compromiso-por-galicia-cre-que-age-lle-da-argumentos-ao-pp-para-reducir-deputados-696992

            É curioso que se cambie o criterio de selección dun Telexornal a outro co mesmo protagonista (Jorquera), e aínda máis que se lle dea “cancha” a Compromiso por Galicia, cando esta formación apenas aparece na TVG. Será porque nesta oportunidade critica a AGE, unha forza de esquerdas e tamén de compoñente galeguista… ???