Os salarios de Montoro

 

9 de outubro. O ministro de Facenda e Administracións Públicas, Cristóbal Montoro, di: “Os salarios non están a baixar en España, están a crecer moderadamente”. Unas declaracións no Congreso dos Deputados recollidas por tódolos medios.

Malas novas….. tempo escaso

 

9 de outubro. O Tribunal Superior de Xustiza de Galicia (TSXG) desestimou o recurso da Xunta en contra da execución forzosa das sentenzas que anulan parte de dous artigos do decreto do plurilingüismo no ensino e que lle daba ao Goberno galego un mes de prazo para o seu cumprimento.

Superdelegado…. superprocesado

9 outubro. El País publica: Tras case oito anos de instrución, o paso de tres xuíces distintos, o arquivo da causa e unha intervención da Audiencia provincial de Ourense ordenando a súa reapertura por apreciar “indicios delituosos”, o titular do xulgado de Ribadavia, José Luis Deaño, emitiu un auto de procesamento contra o máximo representante da Xunta en Ourense, o superdelegado Rogelio Martínez.

A austeridade de Cospedal

 

9 de outubro. A empresa de asesoramento inmobiliario de Ignacio López del Hierro, Hilo Inversiones S. L., multiplicou os seus ingresos por 13,9 no ano 2011, data na que María Dolores de Cospedal, esposa de López del Hierro, chegou á presidencia de Castela-A Mancha, segundo informa o diario Infolibre.