Os presuntos corruptos do PP non teñen militancia, os do PSOE si

 

Os informativos de Televisión de Galicia teñen unha maneira cando menos sospeitosa de engadir ou ocultar información nos casos de corrupción política. Se os implicados son dirixentes do Partido Popular, a militancia política non se especifica, pero os responsables dos telexornais nunca se lles escapa este dato informativo cando son dirixentes do PSOE.

Hoxe, día 10 de setembro, a xuiza Mercedes Ayala decidiu abrir o proceso para imputar os expresidentes andaluces José Antonio Griñán e Manuel Chaves no caso dos ERES, o suposto fraude con axudas públicas a empresas e traballadores.

Así se deu a información no Telexornal Mediodía. E correcta, e queda claro que os imputados son socialistas.

http://www.crtvg.es/informativos/grinan-e-chaves-imputados-no-caso-dos-ere-660295

Sen embargo, reiteradamente se oculta que ó ex presidente da comunidade valenciá Francisco Camps e a alcaldesa de Valencia, Rita Barberá, son do PP. Nas informacións xudiciais nas que aparecen vencellados con presuntos delitos de malversación de fondos públicos, suborno, falsidade documental e fraude en relación co caso Nóos, só se di que son expresidente e alcaldesa de Valencia

Estes son só algúns exemplos nos telexornais mediodía e serán e na web da CRTVG:

http://www.crtvg.es/informativos/a-fiscalia-pide-as-imputacions-de-camps-e-barbera-no-caso-noos-653150

http://www.crtvg.es/informativos/o-xuiz-castro-acelera-os-tramites-para-a-posible-imputacion-de-francisco-camps-e-rita-barbera-no-caso-noos-592942

http://www.crtvg.es/esta-pasando/o-xuiz-do-caso-noos-envia-o-alto-tribunal-de-valencia-os-indicios-da-implicacion-de-camps-e-rita-barbera-597765

Eunonmanipulo sostén que o dato é importante xa sexa o implicado do PP, do PSOE, do BNG, IU, CiU….