O martes 30 de xullo, o xuiz da Audiencia nacional Pablo Ruz anuncia a citación como testemuñas da secretaria xeral do PP, María Dolores de Cospedal, e os seus antecesores, Francisco Álvarez-Cascos e Javier Arenas, pola responsabilidade que teñen ou tiveron no PP para que declaren sobre a suposta contabilidade B (en diñeiro negro) do Partido.
Na última fin de semana de xullo, durante a visita do Papa Francisco a Río de Janeiro, no Brasil, o Pontífice fai algunhas das declaracións e reflexións máis ABERTAS, PROGRESISTAS e, en certo xeito, REVOLUCIONARIAS na historia recente da igrexa católica.
O venres 26, cando xa os Telexornais da TVG ofrecen outras noticias ademáis das referidas á catástrofe do tren, PUBLÍCANSE DETALLES ESPECIALMENTE CLARIFICADORES E ESCANDALOSOS DO “CASO BÁRCENAS”, TRALO INTERROGATORIO QUE LLE FOI REALIZADO AO EX-TESOUREIRO DO PP O PASADO 15 DE XULLO NA AUDIENCIA NACIONAL, cando xa levaba unhas semanas en prisión.
Xoves, 25 de xullo: Galicia é unha das tres comunidades autónomas españolas nas que creceu o desemprego no último trimestre segundo os datos da EPA.
Antes de nada, desde “eunonmanipulo” queremos mostrar a solidariedade e apoio a todas as vítimas do accidente ferroviario do pasado día 24 e aos familiares e persoas relacionadas dalgún xeito con elas.
Por respecto a todos eles e a dramática situación vivida en Galicia desde ese nefasto mércores 24, este blog sumouse ás condolencias e permaneceu inactivo varias xornadas.
Desde hoxe, unha vez que rematen os actos oficiais de Estado en memoria das vítimas, este blog recupera a súa actividade para denunciar a corrupción e manipulación informativa na CRTVG, para CONSEGUIR QUE SEXA UN AUTÉNTICO SERVIZO PÚBLICO DE CALIDADE, HONESTO E DIGNO, DO QUE SE SINTAN ORGULLOSOS/AS TODOS/AS OS/AS GALEGOS/AS.
23 de xullo. O pleno municipal de Pontevedra declarou a TVG “medio partidista e hostil” á cidade porque “non” da unha información suficiente, plural e veraz da realidade do concello.
http://diariodepontevedra.galiciae.com/nova/266293.html
http://ccaa.elpais.com/ccaa/2013/07/23/galicia/1374604864_712638.html
http://pontevedraviva.com/xeral/6149/pleno-pontevedra-tvg-partidista-hostil/
A TVG non fai referencia a esta información.
Parece que non somos os únicos que pensamos que para ver os telexornais hai que tapar o nariz ou poñer mascariña.
O caso é velos sen intoxicarse.
Recollemos a viñeta que publicou Xaquín Marín no xornal La Voz de Galicia poque cremos que ven moi a conto para este blog.
O Telexornal Serán, principalmente, acostuma “compensar” as novas do caso Bárcenas con noticias sobre casos de corrupción que afectan a outros partidos, especialmente o PSOE. Ollo!, non as inventa, só faltaría, pero si que é raro que non aplique o famoso “e ti máis” tan común na estratexia dos principais partidos políticos españois.
Onte, no seu peculiar percorrido polo mapa da corrupción, informa sobre o anuncio de comparecencia do presidente do Goberno e da conta atrás para o embargo a Bárcenas se non paga a fianza.
A continuación, informa sobre o Caso ERE e o Caso Marea (que afectan de cheo ó PSOE en Andalucía e Asturias), pero esquece a información sobre a única demisión e imputación do día, a dunha deputada valenciá, ex-consellera de Camps. A nova recóllese en todos os medios. Por se é importante o dato, a política da que se esquece o Telexornal Serán é do PP. Outra coincidencia?
http://www.abc.es/local-comunidad-valenciana/20130722/abci-alicia-miguel-201307221223.html
http://www.elmundo.es/elmundo/2013/07/22/valencia/1374505527.html
http://ccaa.elpais.com/ccaa/2013/07/22/valencia/1374489619_463140.html
Domingo 21 de xullo. Os xornais “La voz de Galicia” e “El correo gallego” publican senllos informes dramáticos e demoledores sobre a crise en Galicia. Seguir lendo
Denuncia da manipulación informativa na TVG 
Debe estar conectado para enviar un comentario.