Os responsables do TX mediodía fixeron hoxe unha nova demostración de fidelidade e non quixeron estropearlle ó presidente da Xunta o seu anuncio de conxelación das taxas universitarias.
Esta mesma mañá, os tres reitores das Universidades galegas publicaron un comunicado conxunto no que critican duramente a rebaixa salarial imposta pola Xunta. Consideran que detrás destes axustes presupostarios agóchase unha ideoloxía que persegue entre outras cousas “a minoración do público en beneficio do privado”.
Todos os xornais levaron ás súas primeiras páxinas este comunicado.
http://ccaa.elpais.com/ccaa/2013/06/13/galicia/1371118894_360818.html
A TVG abríu o Telexornal mediodía coa conxelación das taxas na universidade pero, nun alarde de virtuosismo, non dixo nada da carta dos reitores ata a metade do informativo, xusto despois do video sobre a oferta das universidades galegas, e a tal velocidade que é imposible enterarse de nada.
Dase a circunstancia de que o propio presidente da Xunta falou desta carta dos reitores na rolda de prensa posterior á reunión do goberno.
Pero, obviamente, a galega “entendeu” que nin a opinión dos reitores nin a resposta do Presidente da Xunta tiñan entidade suficiente como para ir ao comezo do Telexornal. Para que logo digan que na TVG non hai imaxinacion.
Denuncia da manipulación informativa na TVG 