A asociacion de agricultores Corno do Monte, da Limia, di que “non se axusta ó rigor e á etica xornalistica” a información que hoxe, 13 de xuño, deu o Telexornal Mediodía da TVG sobre o anuncio do presidente da Xunta de que non se vai permitir a mina de feldespato nesa comarca ourensá.
A asociación, entrevistada pola TVG para a noticia que se emitiu, enviou un comunicado a “Eunonmanipulo” no que lamenta que a informacion dada non se axuste a esa entrevista. “Co agravante de que estamos a falar dun medio galego e dos galegos, que sostemos cos nosos impostos e do que agardamos o máximo rigor e IMPARCIALIDADE” engade o comunicado, que mesmo pide a TVG unha rectificación.
Na sua información, TVG da por feito que non se vai permitir a mina de feldespato na Limia, cando, segundo afirma Corno do Monte, non hai aínda nada decidido e o risco segue existindo. Segundo din, deixaron eso claro na entrevista coa TVG.
Esta é a información que se deu no TX Mediodía, que di ademais que os agricultores da zona “están moi contentos” tralo anuncio do presidente Nuñez Feijoo.
O comunicado que Corno do Monte remitiu a Eunonmanipulo está publicado no seu propio blog.
http://cornodomonte.wordpress.com/
Nin sequera coincide o número de hectáreas que poderían estar afectadas pola mina. En calquera caso, parece que iso de que os agricultores “volveron ó campo moi contentos” non é ‘de todo’ certo.
Nos, desde este blog, queremos agradecerlle a Corno do Monte a súa protesta, que entendemos como unha colaboración na defensa da televisión pública galega, da Televisión de Galicia.
Denuncia da manipulación informativa na TVG 