A Xunta aproba a fusión Oza-Cesuras… pero segue a polémica

O xoves 6 de xuño, a Xunta aproba o decreto de fusión dos concellos coruñeses de Oza dos Ríos e Cesuras, e os Telexornais mediodía e serán da TVG destacan especialmente a noticia, con declaracións do presidente da Xunta que resaltan o feito TOTALMENTE EN POSITIVO:

http://www.crtvg.es/informativos/a-xunta-aproba-o-decreto-de-fusion-voluntaria-de-oza-cesuras-602034

http://www.crtvg.es/informativos/feijoo-cualifica-de-historica-a-fusion-oza-cesuras-e-avanza-que-outros-estudan-unirse-602510

Neste blog XA DENUNCIAMOS VARIAS VECES que o proceso desta fusión estivo salpicado de irregularidades (nunca comentadas nos Telexornais) e a oposición (de partidos e veciños) foi silenciada sistematicamente nos informativos da TVG. Lembrar que tanto en Oza como en Cesuras goberna o PP.

E para non reiterarnos no mesmo outra vez, PUBLICAMOS UN ESCRITO QUE NOS ENVÍA A CONCELLEIRA DE CESURAS EVA RODRÍGUEZ RODRÍGUEZ, SOBRE A FUSIÓN E SOBRE AS INFORMACIÓNS DOS TELEXORNAIS DESTE 6 DE XUÑO:

“Son concelleira da oposición no recén “fusionado” concello de Cesuras. Acabo de ver a emisión no telexornal da nova e ofrecedes información sesgada, enganosa e incluso mentiras !!.

A gardería non é un premio á fusión, xa estaba aprobada de antes e ademáis con financiamento estatal.

Por que non se falou nada de que un dos alcaldes, concretamente o de Cesuras, dimitíu o mes pasado tras publicarse a súa “actividade” urbanística ??. E mesmo que na semana pasada se publicou que foi condenado por estafa a un ano de cárcere e inhabilitado para sufraxio pasivo ??.

Tamén está inhabilitado para exercer cargo público o ex-alcalde de Oza Ramón Peón dende antes de que se celebraran os plenos de aprobación da fusión. Tampouco se falou nada da controversia legal respecto á necesidade de votos necesarios para a aprobación da fusión nos plenos de Cesuras e Oza…”

É o texto íntegro, transcrito literalmente, de EVA RODRÍGUEZ RODRÍGUEZ, concelleira de Cesuras.

Este blog busca eliminar por completo a manipulación informativa na TVG, pero tamén pode reflectir as distintas opinións e sensibilidades que xurdan nalgúns asuntos.

Pola importancia deste, facémonos eco do comentario da edil Eva Rodríguez (como parte interesada e coñecedora da fusión Oza – Cesuras). Se alguén -cunha responsabilidade similar á dela- está en contra do que opina, pódenos facer chegar a versión que considere oportuna.

Nesta dirección de correo podedes poñervos en contacto con nós:eunonmanipulo@gmail.com

Os problemas xudiciais de Conde Roa interesan pouco

Como xa é costume, o Telexornal Mediodía da TVG tampouco deu moita importancia o 7 de xuño ó caso Conde Roa, o ex alcalde de Santiago polo PP que tivo que dimitir tras ser imputado por delito fiscal.

Todo os xornais destacan a noticia de que a fiscalía pide para él dous anos e meido de cadea, multa e inhabilitación para exercer cargos públicos.

http://www.elcorreogallego.es/santiago/ecg/fiscalia-pide-2-anos-medio-prision-conde-roa-fraude-fiscal/idEdicion-2013-06-07/idNoticia-810654/

http://www.elmundo.es/elmundo/2013/06/07/espana/1370603100.html

http://kiosko.net/es/np/vozgalicia.html

http://www.farodevigo.es/galicia/2013/06/07/fiscalia-pide-2-anos-medio-prision-conde-roa-fraude-fiscal/824842.html

TVG da unha breve información no seu telexornal de mediodia, o de mais audiencia, na que nin sequera di a contía supostamente defraudada polo ex alcalde compostelano. E encargase de deixar ben claro que non era rexedor de Compostela cando supostamente defraudou. O que non di e que xa fora candidato, destacado dirixente do Partido Popular e deputado polo PP.

http://www.crtvg.es/informativos/a-fiscalia-pide-para-conde-roa-dous-anos-e-medio-de-cadea-e-un-millon-douscentos-mil-euros-603058

E a absolución de Carlos Callón?

 

Xoves, 6 de xuño: O presidente da Mesa pola Normalización Lingüística, Carlos Callón, foi absolto da falta de inxurias da que lle acusaba o anterior xuiz decano da Coruña.

http://www.elidealgallego.com/articulo/coruna/la-jueza-absuelve-al-presidente-de-a-mesa-de-injurias-contra-fraga-mandia/20130108234537100210.html

http://www.laopinioncoruna.es/coruna/2013/06/07/callon-absuelto-injuriar-exjuez-decano/730095.html

http://ccaa.elpais.com/ccaa/2013/06/06/galicia/1370546899_650788.htm

http://www.abc.es/agencias/noticia.asp?noticia=143238

A Televisión de Galicia informou debidamente da celebración dos xuízos.

En novembro:

http://www.crtvg.es/informativos/o-presidente-da-mesa-pola-normalizacion-xulgado-por-supostas-inxurias-ao-anterior-xuiz-decano-da-coruna-476839.

En maio:

http://www.crtvg.es/informativos/o-presidente-da-mesa-pola-normalizacion-lingueistica-ratifica-as-suas-criticas-contra-un-xuiz-583726

Pero o día da absolución a TVG non informa da decisión xudicial.  So no informativo matinal do día seguinte, o 7 de xuño, o Bós Días, o de menos audiencia, deu conta da decisión da audiencia provincial de rexeitar o recurso do xuiz Fraga Mandián.

Milleiros de lucenses reclaman servicios hospitalarios…. que a Xunta xa está dando

 

Tódolos medios recollen a multitudinaria manifestación celebrada o 6 de xuño en Lugo para reclamar servicios para o Hospital Lucus Augusti.

http://ccaa.elpais.com/ccaa/2013/06/06/galicia/1370546659_294840.html

http://elprogreso.galiciae.com/nova/256245-multitudinaria-manifestacion-demanda-servicios-sanitarios-lugo

http://www.lavozdegalicia.es/noticia/lugo/2013/06/06/5000-personas-manifiestan-lugo-demandar-servicios-hula/00031370546251549810473.htm

Televisión de Galicia támén, pero nunha información bastante máis breve que emite o Telexornal Serán na que comprime a propia manifestación, a versión da Xunta a os investimentos que ese mesmo dái anuncia o DOG para o centro sanitario lugués. Outra vez unha contramanifestación.

Ollo co enlace, porque de novo esta noticia non aparece con titular propio na web. Está a partir do mintuo 1.31

Animadversión por certos movementos sociais: Ada Colau, nin en pintura

 

 

Xoves, 6 de xuño: A Plataforma de Afectados por la Hipoteca (PAH) gaña o Premio Cidadán Europeo 2013 que concede anualmente o Parlamento Europeo, ante a indignación do PP por premiar a unha organización o seu xuízo, violenta.

Todos os medios de comunicación recollen o premio e a posterior polémica promovida desde o PP. Todos menos a Televisión de Galicia. Eis algúns exemplos.

http://www.rtve.es/noticias/20130606/plataforma-afectados-hipoteca-gana-premio-ciudadano-europeo/681521.shtml

http://www.lavozdegalicia.es/noticia/espana/2013/06/06/plataforma-afectados-hipoteca-premiada-parlamento-europeo/00031370521257873421844.htm

http://www.elperiodico.com/es/noticias/sociedad/plataforma-afectados-hipoteca-premiada-parlamento-europeo-colau-2410923

http://www.lavanguardia.com/vida/20130606/54375418887/parlamento-europeo-pah-premio-ciudadano-europeo-2013.html

A relación da TVG con algúns movementos sociais é de antipatía. A televisión pública de Galicia foi un dos primeiros medios en anunciar, un mes antes!!!!, a presencia da agrupación de Bizkaia de Stop Desahucios nunha manifestación proetarra, un dos argumentos do PP para desacreditar esa plataforma.

http://www.crtvg.es/informativos/stop-desahucios-unese-a-marcha-en-apoio-aos-presos-da-eta-485296

Agora que o Parlamento Europeo recoñece o traballo da plataforma, a TVG prefire mirar para outro lado.

O alcalde de Redondela perde a moción de confianza… e non se da

 

O xoves 6 de xuño, o alcalde de Redondela, Javier Bas (PP), perde unha moción de confianza no concello, coa reprobación dos partidos da oposición (PSOE, BNG e agrupación de electores de Redondela -AER-) que esta mesma semana rexeitaron os presupostos para 2013 por consideralos antisociais.

A partir de agora os grupos opositores TEÑEN UN MES PARA PROPOÑER ALGÚN CANDIDATO/A ALTERNATIVO/A Á ALCALDÍA, A TRAVÉS DUHA MOCIÓN DE CENSURA.

Dese xeito, O PP PODERÍA PERDER A ALCALDÍA, xa que a suma de concelleiros da oposición (11) supera aos do goberno (10). Así o destacan nas súas informacións varios medios de comunicación de Galicia:

http://www.farodevigo.es/comarcas/2013/06/06/alcalde-redondela-pierde-mocion-confianza/824260.html

http://www.abc.es/local-galicia/20130606/abci-mocion-redondela-confianza-201306062159.html

http://www.lavozdegalicia.es/noticia/vigo/2013/06/06/bas-pierde-mocion-confianza-redondela/0003_2013061370541345771267.htm

http://www.atlantico.net/noticia/244773/javierbas/perdera/hoy/cuestion/confianza/

O Telexornal serán da TVG deste xoves 6 de xuño, TIÑA PREVISTO EMITIR INFORMACIÓN SOBRE O PLENO E A MOCIÓN DE REDONDELA (a noticia estaba na “escaleta” que recolle os contidos do informativo), pero DE XEITO SORPRENDENTE, NON SE EMITE ABSOLUTAMENTE NADA SOBRE O ASUNTO.

Igual os responsables de informativos da TVG agardaban que o alcalde redondelán do PP superase a moción de confianza… pero ao non conseguilo decidiron que non era importante…