Ocúltase a responsabilidade do PP no proxecto da mina de Xinzo

 

O sábado 25 de maio, o Telexornal mediodía informa sobre a tractorada desenvolvida en Xinzo contra a instalación da mina de feldespatos na Limia.

O proxecto da mencionada mina é unha seria ameaza para labregos e gandeiros da zona porque destruiría enormes extensións productivas. A cambio, coa mina (aparte dos danos ecolóxicos e medioambientais) só se crearían 10 postos de traballo.

Entre os veciños da bisbarra hai un enorme descontento co alcalde Antonio Pérez (PP) e coa Xunta porque non rexeitan con feitos o proxecto.

A noticia no TX do sábado é a seguinte:

http://www.crtvg.es/informativos/tractora-en-xinzo-contra-a-instalacion-da-mina-de-feldespatos-na-limia-593586

Non se dan as opinións críticas contra o Alcalde de Xinzo nin contra a Xunta, NIN SE DI ABSOLUTAMENTE NADA DE QUE OS ÚNICOS REPRESENTANTES POLÍTICOS AUSENTES DA MANIFESTACIÓN-TRACTORADA FORON OS DO PP.

E iso que, uns días antes o Conselleiro de Medio ambiente da Xunta, Agustín Hernández, asegurou que a explotación mineira é INVIABLE:

http://www.farodevigo.es/portada-ourense/2013/05/22/hernandez-considera-inviable-mina-feldespatos-xinzo/814673.html

Resumo: o Tx mediodía da fin de semana da a nova SEN INCIDIR NAS RESPONSABILIDADES DOS GOBERNOS DO PP (na Xunta e no concello de Xinzo) NIN NAS CRÍTICAS POR PARTE DOS VECIÑOS E CONVOCANTES DA TRACTORADA.

O descarado partidismo na moción do Valadouro

 

O sábado 25 de maio, a CUARTA NOTICIA do Telexornal mediodía da fin de semana son unhas EXPLOSIVAS DECLARACIÓNS DE XOSÉ MANUEL BARREIRO (presidente do PP de Lugo) sobre a moción de censura no concello lugués do Valadouro.

 

Isa moción, acordada polo PSOE, o BNG e os independentes de Udival, botará da alcaldía ao actual rexedor, José Manuel Lamela (PP). PSOE e Udival decidiron que, se algún dos dous incumpre o pacto, deberá pagarlle á outra formación 100.000 euros.

 

No Telexornal da TVG, o presidente provincial do PP lugués despáchase a gusto dicindo que “se comprou un goberno”… que “o sr. Besteiro se converteu nun mercader da política”… e que “tense que pronunciar o sr. Rubalcaba”… e MESMO INSINÚA QUE TAMÉN PUIDO HABER PACTOS “ECONÓMICOS” NA DEPUTACIÓN E NO CONCELLO DE LUGO:

 

http://www.crtvg.es/informativos/o-partido-popular-pide-explicacions-pola-mocion-de-censura-anunciada-no-concello-lugues-do-valadouro-593593

 

No TX da fin de semana NON SE OFRECE NINGUNHA OPINIÓN DE PSOE, BNG, NIN INDEPENDENTES DO CONCELLO, NIN POR SUPOSTO DE ALUDIDOS COMO BESTEIRO (PRESIDENTE DA DEPUTACIÓN LUGUESA). SÓ SE DA A VERSIÓN DO PP.

 

E moitísimo menos se ofrecen as explicacións da voceira de Udival, Mª José Fernández Díaz, que exixíu a “clausula económica” PORQUE NO ANTERIOR MANDATO DO PP, UN PACTO SUBSCRITO COS CONSERVADORES -AVALADO POLO PROPIO XOSÉ MANUEL BARREIRO-, FOI INCUMPRIDO POLO PARTIDO POPULAR:

 

http://www.lavozdegalicia.es/noticia/amarina/2013/05/24/pp-acusa-psoe-udival-poner-precio-alcaldia-valadouro/00031369413234064115217.htm?utm_source=buscavoz&utm_medium=buscavoz

 

É dicir, os independentes de Udival, escaldados polos incumprimentos do PP, asinan un pacto para que non se repita…