Os chalets son ilegais…. a Galega réstalle importancia

 

O Tribunal Supremo ratificou a sentenza ditada hai dous anos polo Tribunal Superior de Xusticia de Galicia e declara ilegais os 52 chalés de luxo construídos en San Vicente do Grove, no lugar de Raeiros. Un conflicto que se demorou anos e que xurdíu a raíz dunha denuncia do BNG. Os medios galegos tiveron tempo para dar a coñecer esta nova, mesmo TVE en Galicia (minuto 5.10 a 6.27) :

http://www.rtve.es/alacarta/videos/telexornal-galicia/telexornal-galicia-21-05-13/1829662/

http://www.farodevigo.es/galicia/2013/05/22/supremo-obliga-apartotel-52-chales-o-grove-declararlos-ilegales/814560.html

http://www.laopinioncoruna.es/galicia/2013/05/22/supremo-obliga-apartotel-52-chales-pie-playa-o-grove/724425.html

http://ccaa.elpais.com/ccaa/2013/05/23/galicia/1369335068_916182.html

Na Galega non se deu máis que un video no informativo  local de Pontevedra e Vigo, e o 22  no Bós días, o informativo de menor audiencia.

        http://www.crtvg.es/informativos/o-supremo-ratifica-a-ilegalidade-duns-chalets-en-san-vicente-do-mar-590334

        http://www.crtvg.es/informativos/-590455

Un redactor xefe manipula unha información sobre o PP e Blesa

Non hai nada máis feo, nin exemplo máis tosco de manipulación que un redactor xefe sexa o que manipule a información dun xornalista sen miramento ningún e deixando rastro descarado da súa acción. O último exemplo ocorreu no Telexornal Mediodía do xoves 23 de maio.

 

A información elaborada pola xornalista era literalmente a seguinte:

 

Polémica tras unha información publicada no portal dixital “Info Libre” onde se asegura que o PP lle pagou seiscentos mil euros a Miguel Blesa entre 1999 e 2006, cando era presidente de Caja Madrid.

 

Remítese a pagamentos por tarefas de asesoramento, que aparecen na contabilidade oficial do partido. Di que algúns serían ilegais porque desde 2003 a Lei de caixas prohibe que os seus presidentes fagan traballos remunerados fóra das entidades.

 

O Partido Popular xa negou esta información nun comunicado.

 

Minutos antes de ser emitida a noticia, un redactor xefe variou considerablemente a información desde o seu ordenador para darlle prioridade ó comunicado do Partido Popular. A noticia emitiuse así:

 

O Partido Popular nega que lle pagara seiscentos mil euros a Miguel Blesa entre 1999 e 2006, cando era presidente de Caja Madrid, tal e como publica hoxe o xornal Infolibre.

 

O PP di que se trata de pagamentos por tarefas de asesoramento, que así figuran na contabilidade oficial do partido. O xornal que algúns serían ilegais porque desde 2003 a Lei de caixas prohibe que os seus presidentes fagan traballos remunerados fóra das entidades.

 

Podédela escoitar neste enlace (por certo, notade como o “corta-pega” do redactor xefe fai que o presentador do Telexornal se trabuque. O autor da manipulación borrou un verbo que fixo inintelixible a derradeira frase).

 

http://www.crtvg.es/informativos/o-pp-nega-que-lle-pagase-600-000-euros-a-miguel-blesa-591563

 

Para que vexades as distintas varas de medir e as intencións dos amigos da manipulación. Un minuto despois emítese esta información.

 

http://www.crtvg.es/informativos/imputan-a-ex-alcaldesa-de-xerez-polo-suposto-desvio-de-fondos-do-plan-e-591561

 

O comunicado que emitiu esa mesma mañá a ex-alcaldesa, no que lle botaba a culpa ó colapso financeiro do concello de Xerez, debería ir ao principio da información segundo o criterio empregado na noticia anterior. Non foi así. Claro, a política é do partido socialista.

Pontevedra sen desafiuzamentos por un mes

 

Os xulgados da cidade paralizan os desafiuzamentos hipotecarios durante un mes. A decisión, adoptada o 23 de maio, débese á entrada en vigor da nova lei que establece que as cláusulas abusivas poden ser mesmo causa de suspensión do proceso. Na galega non se deu nada.

 

 

http://www.lavozdegalicia.es/noticia/economia/2013/05/24/jueces-pontevedreses-paralizan-desahucios-clausulas-abusivas/0003_201305G24P33991.htm

 

http://www.farodevigo.es/portada-pontevedra/2013/05/24/juzgados-ciudad-paralizan-desahucios-hipotecarios-durante-mes/815929.html

A moción de censura contra o PP no Valadouro non existe

 

O xoves 23 de maio, os grupos da oposición no concello lugués de O Valadouro, PRESENTAN UNHA MOCIÓN DE CENSURA CONTRA O ALCALDE DO PP, José Manuel Lamela. O PP leva 25 anos gobernando neste concello.

 

Da oposición, o PSOE ten tres concelleiros, os independentes de Udival 2, e o BNG 1.

 

O socialista Edmundo Maseda será -con case total seguridade- o novo alcalde de O Valadouro.

 

A noticia é destacada amplamente por numerosos medios de comunicación:

 

http://elprogreso.galiciae.com/nova/252951-mocion-censura-pp-valadouro

 

http://www.lavozdegalicia.es/noticia/galicia/2013/05/23/psoe-recupera-valadouro-tras-25-anos-gobierno-pp/00031369306138835301706.htm

 

http://www.abc.es/local-galicia/20130523/abci-mocion-censura-valadouro-201305231326.html

 

http://ccaa.elpais.com/ccaa/2013/05/23/galicia/1369319935_536954.html

 

http://radiolugo.info/mocion-de-censura-en-o-valadouro-para-desposeer-al-pp-del-gobierno-local-luego-de-25-anos/

 

Pero… A TVG NON DA ABSOLUTAMENTE NADA DESTA NOTICIA, NIN NO TX MEDIODÍA NIN NO TX SERÁN.

“Foro aberto” defende a Aznar criticando a Felipe González

 

No espazo “Foro aberto” do martes 21 de maio, un dos asuntos que debaten os tertulianos que modera Carlos Luis Rodríguez é a entrevista que pouco antes mantivo en Antena 3 o ex-presidente do goberno José María Aznar.

 

Se practicamente tódo-los medios destacaron desa entrevista o desencontro e as críticas de Aznar co actual presidente Rajoy e ás súas políticas de goberno, “Foro aberto” só ofrece declaracións de Aznar cando di que nunca recibíu “sobres”, e que as súas declaracións da renda sempre foron meticulosas (ao redor do minuto 50’00”).

 

NON SE FALA NADA DAS CRÍTICAS DE AZNAR A RAJOY E AO ACTUAL GOBERNO (EN ESPECIAL AO MINISTRO MONTORO), e xa preto do final (minuto 59’00”), cando un dos intervintes (o avogado Xosé Antón Pérez Lema) di que a actitude de Aznar “é a de levitar” (sic), Carlos Luis Rodríguez INTERROMPEO E DILLE TEXTUALMENTE: “BUENO, BUENO, XOÁN ANTÓN… ESA É A MESMA ACTITUDE QUE TEN FELIPE GONZÁLEZ…”

 

maio http://www.crtvg.es/tvg/programas/foro-aberto

 

É dicir: o presentador moderador (suponse que debe ser imparcial) dun espazo informativo público da TVG interrompe a un tertuliano no seu libre uso da palabra para DEFENDER A AZNAR, CRITICANDO A FELIPE GONZÁLEZ, sen vir a conto para nada. Todo un exemplo para o xornalismo.