O fervor relixioso do Telexornal serán

O luns 20 de maio, o Telexornal serán fixo case ao remate do informativo un despregamento de exaltación e fervor relixioso.

Déronse dúas novas de xeito consecutivo: a primeira delas foi para salientar que A VIRXE DO ROCÍO XA ESTÁ DE VOLTA NA SÚA ERMIDA TRAS UNHA PROCESIÓN DE SETE HORAS E MEDIA.

É sabido que en Galicia, a procesión da virxe do Rocío (Huelva), desperta un enorme interese…

http://www.crtvg.es/informativos/a-virxe-do-rocio-xa-esta-de-volta-na-sua-ermida-tras-unha-procesion-de-sete-horas-e-media-589640

Como non chegou con falar da virxe do Rocío, de seguido ofrécese outra información sobre a romería da Franqueira, na Cañiza, que seica congregou a centos de fieis (as imaxes contradín claramente ese dato…).

Non perdan, sobre todo, o último que di a presentadora comentando as imaxes: “COMO MANDA A TRADICIÓN SAUDÁRONSE FACENDO POR PARELLAS O RITUAL DA XENUFLEXIÓN”

http://www.crtvg.es/informativos/centos-fieis-asisten-a-romeria-da-franqueira-589639

A Semana Santa xa pasou, pero polo que se ve case diariamente no Telexornal serán, parece ser que dura todo o ano.

Non se fai referencia a taxa de alcol do ex voceiro de Aznar

 

 

Esta é a información que se ofrece no Telexornal Mediodía do 20 de maio.

“Miguel Ángel Rodríguez, que fora voceiro do Goberno de José María Aznar, estivo hoxe nos xulgados para responder polos danos que causou en varios vehículos o día tres de maio de madrugada, nun accidente tralo que deu positivo na proba de alcol. Miguel Ángel Rodríguez reiterou á súa saída que lles pediu desculpas aos propietarios dos vehículos afectados e comprometeuse a levar, en diante, unha conduta exemplar. O xuízo rápido dáse por rematado pero aínda non hai sentenza.”

Con un rótulo que decía Xuizo rápido polo accidente do 3 de maio. Pola tarde xa no se informou disto.

 

Outros medios ofrécena así:

http://www.abc.es/espana/20130520/abci-miguel-angel-rodriguez-comparece-201305201100.html

http://www.lavanguardia.com/politica/20130520/54374236958/miguel-angel-rodriguez-perdon-niega-cuadruplicara-tasa-alcohol.html

http://www.elmundo.es/elmundo/2013/05/20/madrid/1369034894.html

http://www.europapress.es/chance/gente/noticia-miguel-angel-rodriguez-haber-cuadruplicado-tasa-alcohol-solo-roce-coches-20130520125705.html

Barra libre para o PP

 

Luns, 20 de maio: o voceiro do BNG, Xavier Vence, comparece en rolda de prensa para expresar as súas críticas sobre a eventual redución de partidos xudiciais (un asunto que está a causar unha gran polémica en Vigo, balbordo silenciado pola TVG). Na rolda de prensa, Vence fala tamén da “volta ás catacumbas” que, ao seu entender, supón a chamada lei Wert, dos contactos con Anova e da redución de deputados no Parlamento de Galicia. Pero nos Telexornais só se ofrece a súa declaración sobre os partidos xudiciais (á reforma electoral só hai unha mención dos presentadores).

http://www.crtvg.es/informativos/o-bng-oporase-en-madrid-e-galicia-se-o-ministerio-opta-por-reducir-os-partidos-xudiciais-a-un-por-provincia-589479

Tamén houbo rolda de prensa do PP. O seu voceiro, Pedro Puy, falou de varios asuntos de actualidade (a LOMCE e a redución de deputados). Neste caso si se ofreceron as súas declaracións sobre estes dous asuntos.

http://www.crtvg.es/informativos/o-ppdeg-respecta-o-posible-recurso-pero-di-que-a-lomce-non-afecta-o-modelo-lingueistico-de-galicia-589481

http://www.crtvg.es/informativos/o-grupo-popular-agarda-pola-resposta-da-oposicion-a-oferta-de-dialogo-sobre-a-reducion-de-deputados-589480